روايات مصرية للجيب:أيهم تفضل؟

[جابريانو النوبي]

السلام عليكم و رحمه الله و بركاته


أنا بصراحة مكنتش عارف أحط الموضوع ده فين

بس أمري لله قلت أحطه هنا

أي الشخصيات من روايات مصرية للجيب تفضل؟

رفعت إسماعيل؟(ما وراء الطبيعة)
أدهم صبري؟(رجل المستحيل)
نور الدين؟(ملف المستقبل)
عبير؟(فانتازيا)

أو غيرهم؟(سافاري،المكتب 17 إلخ.....إلخ)


أنا عن نفسي بفضل رفعت إسماعيل،لأنه بني ادم عادي و مش زي أدهم صبري اللي يطير 15135 واحد بضربة واحدة و يشيل طيارة و تخش فيه 4642 رصاصة و ميموتش،ولا نور الدين اللي بيخاف من القتل،أما عبير فهي شخصية بتتغير في كل رواية..

يلا شاركوا يا مرعبين

[abdallah_oun]

انا بصراحه مشكل
يعنى بحب اقرى لكل واحد ومش محيز حد عن حد
وفى الاول والاخر ديه قصص خياليه يعنى عادى اسرح مع الراجل

[جابريانو النوبي]

انا بصراحه مشكل
يعنى بحب اقرى لكل واحد ومش محيز حد عن حد
وفى الاول والاخر ديه قصص خياليه يعنى عادى اسرح مع الراجل


شكرا على ردك
و أنا أحب أعقم على نقتطين

النكتة الأولى:مفيش نكتة أولى:0097:
النقطة التانية:كلنا عارفين إنها قصص خيالة و تهييس،بس تكون حلوة لما يعيشك الدور إن الكام ده حصل فعلا خلافا على روايات رجل المستحيل


وشكرا على ردك مرة تانية

[abdallah_oun]

لالالالالا يعم
روايات الرجل المستحيل ديه
تهيس على الاخر واانا انا معاك

اللي يطير 15135 واحد بضربة واحدة و يشيل طيارة و تخش فيه 4642 رصاصة و ميموتش

شكرا على ردك

[كبداكى]

انا بموت فى رفعت اسماعيل
وكمان بموت فى علاء عبد العظيم بتاع سافارى
و عارف د/لوسيفر ده روحى روحى روحى

[جابريانو النوبي]

لالالالالا يعم
روايات الرجل المستحيل ديه
تهيس على الاخر واانا انا معاك

اللي يطير 15135 واحد بضربة واحدة و يشيل طيارة و تخش فيه 4642 رصاصة و ميموتش

شكرا على ردك

:0022::0022::0022::0022:

لك إحترامي يا مان

:32:

[جابريانو النوبي]

انا بموت فى رفعت اسماعيل
وكمان بموت فى علاء عبد العظيم بتاع سافارى
و عارف د/لوسيفر ده روحى روحى روحى


د. لوسيفر لوجوده أفرح و له قلبي يطرب

ههههههههههههههههه
شكرا على مرورك و مشاركتنا برأيك

[Theking Of Sadness]

انا بعشق قصص ملف المستقبل
نور

[Theking Of Sadness]

انا بعشق ملف المستقبل
نور الدين محمود
موضوع فكرته
حلوه

[جابريانو النوبي]

انا بعشق قصص ملف المستقبل
نور

انا بعشق ملف المستقبل
نور الدين محمود
موضوع فكرته
حلوه


بصراحة قصته حلوة و أنا بحترم رأيك

بس في رأيي إن نور الدين محمود شخصية غريبة،يعني بيخاف أول من القتل،طيب إزاي؟

و مصر هي أعظم دولة في العالم؟

بس برضه بحترم رأيك و شكرا على مشاركتك

[ميدو العسول]

انا بحب روايات ماوراء الطبيعة
تقبلوا تحياتى

[بلعزبول]

طبعا حبيب قلبى رفرف
وهن تشو كان
ولوسيفر
وعزت
وماجى وهويدا
وسالم وسلمى
يااااااااااااااااااااااااااااااااااااااااااااااااا ة

احلى سلسلة فى المؤسسة كووولها

بمووووووووووووووووووووووووووووووووووووووووووووت فيها

[جابريانو النوبي]

فعلا يا شباب

عشان د. أحمد خالد بيحسسك إن رفعت سمعة بني أدم بجد

[dody ahlawya]

انا عن نفسى مدمنة روايات

وقريت للكل بس بجد رفعت اسماعيل يجنن وتحفة وتلقائى يعنى مش بطل بتيجى معاة كدة زينا يعنى

شكرا للموضوع

[رووز]

انا معك اخى فى ان رجل المستحيل بيحسسنى انه سوبر مان عصره وعمره ما ينهزم
علشان حرام وعيب يتهزم وانه وسيييييم اوى لدرجة ان اعدائه بيحبوه طبعا الكلام ميدخلش دماغنا
اما بقى فانا بمووووت فى رفعت اسماعيل فرغم ان حواديته مش واقعيه الا ان الكاتب الرائع د/ احمد خالد بيخلينا نصدق كل حرف فى القصة وكمان بحب فانتازيا لانى بحب اعيش مكان البطلة فى بعض القصص اشمعنى هى هههههههه

[khashabawy]

معااااااااااااااك يا جابريانو فى الرأى

رفعت إسماعيل
أستاذ أمراض الدم بكلية الهندسة ههههههههههه

[جابريانو النوبي]

\
فعلا معاكي حق يا روز في كل كلامك،أسلوب الدكتور\أحمد خالد توفيق مشوق و في شوية ضحك،بس برضه دكترو نبيل فارووق ليه جمهور كبير،و أحلى حاجة في فانتازيا لما د.أحمد خالد كان بيكتب بأسلوب د. نبيل فارووق أنا عن نفسي مت من الضحك

و شكرا يا خشباوي على ردك،و على فكرة هو أستاذ أمراض دم في كليه(...) هما دايما 3 نقط هههههه

[Dr-vet]

فعلا ما وراء الطبيعة هي الافضل وايضا سفاري
اما رجل المستحيل باحس اني عارفة ايه اللي حايحصل وحسيت ان الموضوع زاد حبتين لما نقلها للحاضر وراح العراق اما ملف المستقبل بحس انها معقولة شوية
اما رفعت اسماعيل شخصية رائعة تقدر تتضحك معاه وتشعر بالاثارة ايضا

[نجمة النهار]

انا عن نفسي اقراء كل مايكتبه د/أحمدخالدتوفيق وانصحك بيه

[جلال عزت]

بصراحة قصته حلوة و أنا بحترم رأيك

بس في رأيي إن نور الدين محمود شخصية غريبة،يعني بيخاف أول من القتل،طيب إزاي؟

و مصر هي أعظم دولة في العالم؟

بس برضه بحترم رأيك و شكرا على مشاركتك

أنا كمان بحترم رأيك و ليا تعقيب على نقطتين:-

أولا:المقدم نور الدين محمود مش بيخاف من القتل لا ده بيكره القتل لأنه إنسان مؤمن بأن الروح دى ملك للخالق سبحانه و تعالى فقط و مفيش حد له الحق فى إنه ينهيها غيره، و مش معنى إنه بيعمل فى جهاز مخابرات إنه يكون سفاح قاتل بلا رحمة أو قلب و هو بيقتل بس دفاعا عن نفسه و وطنه و أهله فده مش حرام و لا عيب و لا غلط و نادر إنك تلاقى شخص بالشكل ده فى الزمن ده، أنا بطلب منك إنك تقرأ الروايات تانى و إنت تعرف إن كلامى صح.
ثانيا:مين قال إن مصر مش أعظم دولة فى العالم؟ دى الدولة اللى تربى على ترابها طه حسين و نجيب محفوط و محمد أنور السادات و أحمد عرابى و رفاعة الطهطاوى و غيرهم، بلاش دول شخصيتين زى د/أحمد زويل و د/مجدى يعقوب إيه الى يرجعم مصر تانى بعد ما أصبحوا أشهر ناس فى مجالاتهم دلوقتى، عارف ليه علشان مصر الللى بيحبوها علشان مصر و بس و لأنها حتى إن كانت فعلا مش أعظم دولة فى العالم من وجه النظر العامة لكن هى أعظم و أحب دولة من لقلوبهم و من وجهة نظرهم، تقدر تقولى إنت و لا انا ولا أى حد تانى نيجى إيه جنب الناس دول؟
اللى ممكن يفشل البلد دى هى يأس أبنائها و جحودهم و نكرانهم.
أما عن رايى فكل الروايات رائعة مادامت فيها رسالة كويسة و أنا أول قراءات ليا كانت من أعمال الدكتور نبيل فاروق و أنا مش بفضل حد على حد علشان مش يحصل غلط فى الكلام.

[جابريانو النوبي]

أنا كمان بحترم رأيك و ليا تعقيب على نقطتين:-

أولا:المقدم نور الدين محمود مش بيخاف من القتل لا ده بيكره القتل لأنه إنسان مؤمن بأن الروح دى ملك للخالق سبحانه و تعالى فقط و مفيش حد له الحق فى إنه ينهيها غيره، و مش معنى إنه بيعمل فى جهاز مخابرات إنه يكون سفاح قاتل بلا رحمة أو قلب و هو بيقتل بس دفاعا عن نفسه و وطنه و أهله فده مش حرام و لا عيب و لا غلط و نادر إنك تلاقى شخص بالشكل ده فى الزمن ده، أنا بطلب منك إنك تقرأ الروايات تانى و إنت تعرف إن كلامى صح.
ثانيا:مين قال إن مصر مش أعظم دولة فى العالم؟ دى الدولة اللى تربى على ترابها طه حسين و نجيب محفوط و محمد أنور السادات و أحمد عرابى و رفاعة الطهطاوى و غيرهم، بلاش دول شخصيتين زى د/أحمد زويل و د/مجدى يعقوب إيه الى يرجعم مصر تانى بعد ما أصبحوا أشهر ناس فى مجالاتهم دلوقتى، عارف ليه علشان مصر الللى بيحبوها علشان مصر و بس و لأنها حتى إن كانت فعلا مش أعظم دولة فى العالم من وجه النظر العامة لكن هى أعظم و أحب دولة من لقلوبهم و من وجهة نظرهم، تقدر تقولى إنت و لا انا ولا أى حد تانى نيجى إيه جنب الناس دول؟
اللى ممكن يفشل البلد دى هى يأس أبنائها و جحودهم و نكرانهم.
أما عن رايى فكل الروايات رائعة مادامت فيها رسالة كويسة و أنا أول قراءات ليا كانت من أعمال الدكتور نبيل فاروق و أنا مش بفضل حد على حد علشان مش يحصل غلط فى الكلام.


أنا كمان بحترم رأيك بشدة

بس عايز أقوللك إن مش قصدي بقوللي إن "مصر أعظم دولة في العالم؟" أي حاجة،بس قصدي إنه بيقول القيادة العلمية و حاجات من دي،و حكايات الإستخبارات و الكلام ده بقى حاجة مستهلكة أوي،يعني عندك جيمس بوند و إكس فايلز و حاجات كتير من دي،كلها الإستخبارات و الجواسيس و الكلام اللي بقى ممل لدرجة رهيبة في رأيي

وشكرا ليك على ردك و توضيحك لشخصية نور

[جلال عزت]

شكرا ليك على التوضيح و بعتذر إن كان أسلوبى جاف شوية فى الكلام.

[1reymysterio]

بحب رفعت إسماعيل طبعا لانه زي ما انت بتقول بني ادم عادييعني من الهل تخيل وجوده في اي مكان من مجتمعنا بخلاف السوبر مان ادهم صبري ونور الدين

[جابريانو النوبي]

شكرا ليك على التوضيح و بعتذر إن كان أسلوبى جاف شوية فى الكلام.

لا يا عم مش جاف ولا حاجة
كله تمام،مش لازملها إعتذار

[جابريانو النوبي]

بحب رفعت إسماعيل طبعا لانه زي ما انت بتقول بني ادم عادييعني من الهل تخيل وجوده في اي مكان من مجتمعنا بخلاف السوبر مان ادهم صبري ونور الدين


معاك في رأيك يا ماستيريو

و شكرا على مشاركتنا برأيك

[the_angel]

الصراحه انا اول ما بدأت أقرأ قرأت أدهم صبري علشان كده بعزه أوي بس بعد كده بقيت أقرأ كل روايات السلسله
و خصوصاً فعلاً رفعت إسماعيل بس أنا بحب السلسله كلها و متابعاها
و شكراً ليك يا يا جابريانو على الموضوع الرائع

[جابريانو النوبي]

الصراحه انا اول ما بدأت أقرأ قرأت أدهم صبري علشان كده بعزه أوي بس بعد كده بقيت أقرأ كل روايات السلسله
و خصوصاً فعلاً رفعت إسماعيل بس أنا بحب السلسله كلها و متابعاها
و شكراً ليك يا يا جابريانو على الموضوع الرائع


ما هو أدهم صبري أقدم من رفعت،و شكرا على ردك،و الموضوع كان لازم يتحط لأنه كان موجود قبل كده،وشكرا مرة تانية على المشاركة

[الغول شريك]

أنا عن نفسى بحب جدا رفعت إسماعيل

[كارولين]

أدهم مين اللى بيهيس على الاقل سليم مش عنده امراض الدنيا و الاخرة

[جابريانو النوبي]

أنا عن نفسى بحب جدا رفعت إسماعيل


شكرا على ردك

[جابريانو النوبي]

أدهم مين اللى بيهيس على الاقل سليم مش عنده امراض الدنيا و الاخرة


هههههههههههههههه،سليم ماشي،:77::77:بس تهييس أخر تهييس وده رأيي،و في كتير يختلفوا معايا أكيد،وفي يكونوا معايا،كل واحد ليه رأيه،مش كده ولا ايه؟

شكرا:)

[clover]

انا بعشق د رفعت اسماعيل بموووووووووووووووت فيه وسخريته عسل غير ادهم صبري مبيعملش حاجه غير انه يخبط كده يموت80000
وبصراحه المؤلف د احمد خالد توفيق بجد عظيم ومش اخد حقه لانه فنان جدااااا

[الاميرة سنووايت]

طبعا رفعت اسماعيل (الرجل العجوز ) الكينج
ومعايا من اول عدد لاخر عدد
واحسن اعداد الخاص طبعا وخصوصا فى كهوف دراجو سان والاعداد 10ــ 20ـــ 30...... تحفة بجد واحسن اعداد
واسوأ عدد رقم 27 تقريبا
وبحب برده ادهم صبرى اوى ومعايا السلسلة كاملة
دول اللى لنا متابعاهم اوووووى
بس ليا تعليق على ادهم صبرى ان هى السلسلة لحد العدد 100 كانت حلوة جدا
اما بعد العدد 100 اما كبر القصة وبقى يكتب كل كلمة فى سطر مش حلوة زى الاعداد الصوغيرة
وكمان دوشنا بكل شوية معارك ادهم صبرى الاخيرة ونلاقيه بعد شوية ينزل عدد تانى المفروض يرسى على حل عشن كدة شتتنا

[حلم الطفوله 2009]

رفعت إسماعيل ... أكيد ... بدون أي مناقشه ... هههههههه

[salamony1992]

انا بحب

رفعت إسماعيل؟(ما وراء الطبيعة)
أدهم صبري؟(رجل المستحيل)

[جابريانو النوبي]

انا بحب

رفعت إسماعيل؟(ما وراء الطبيعة)
أدهم صبري؟(رجل المستحيل)

عادي لو بتحب السلسلتين،إحنا بنشوف إنتا بتفضل أنهي؟

[jolya]

احلي حاجه ان اول موضوع واول مشاركه ليا تبقي في الموضوع ده
طبعا الموضوع مش محتاج رفعت اسماعيل طبعا
بسخريته وتهكمه علي كل حاجه وعقله
وكمان الدكتور احمد خالد توفيق بيخاطب بني ادمين وبيحترم عقولهم
قصه خاليه ايوه بس مش من كوكب تاني
مش واحد يبقي مربوط في طياره وفجاءه يبقي بيحارب مجرمين
هو رفعت بوسامته بالبدله الكحلي

[جابريانو النوبي]

اه حلوة حكاية الوسامة بالبدلة الكحلي اللي كل رواية لازم يذكرها ههههههههه
الصراحة الدكتور أحمد خالد توفيق كاتب ممتاز،مع كل الإحترام للدكتور نبيل فارووق
شكرا ليكي على مشاركتك معانا،و يا ريت المرعبين يعجبك

[clover]

ما وراء الطبيعه

[ms evans]

كل المرعبين بيحبوا رفعت إسماعيل ولا إيه

أنا بحب علاء عبد العظيم
يعنى شباب د. رفعت
والفرق ان سافارى شبابية أكتر يعنى

[صميدة]

دكتور نبيل فاروق اسلوبه يختلف عن احمد خالد توفيق
بس نتفق علي انهم افضل كاتبين للشباب
عموما انا اكتر سلسلة بحبها هي فانتازيا لان كل مرة فيها حكاية جديدة وجو جديد

[ibr@him]

انا بحب روايات رجل المستحيل و ملف المستقبل

[Ebra2010]

انا كمان رأى من رأى النوبى ما وراء الطبيعة هية اجمد قصة و سفارى بعدها

[Nubian Monster]

طبعا زي ما اتعودنا حرية الرأي مكفولة لكل المرعبين
أنا أفضل فريق (ملف المستقبل) بالكامل، وليس نور وحده، وبالذات أحب "محمود" خبير الأشعة.
وعموما أنا أحب كل ما يكتبه د. نبيل فاروق.

مع خالص تحياتي للمرعبين، مرعب مرعب.

:0033: :77: :0033:

[kadash]

انا عن نفسي متفق معاك جدا في رايك عن رجل المستحيل وعن نور الدين
عموما انا مش بقرا حاجه خالص من اللي انت كاتبها انا بقرا فارس الاندلس ودي برده لنبيل فاروق

[mohtaref]

انا بقي الصراحة بحب قوي رجل المستحيل و برضه بحب رفعت اسماعيل بس رجل المستحيل اكتر