هو موضوع صعب تقول فيه الحقيه

[farasha]

هو يمكن العنوان غريب بس دي الحقيقه او هو ده الواقع الحقيقي ان محدش بيحب يتعرف بالحقيقه عشان يبان قدام الناس انه مثالي بس ده مستقبل مش لعب عيال يلا يا عيال جوبو هههههههههههههههههههههههههههههههه
نبدأ الموضوع
تخيل
انت خاطب توافق ان خطبتك تتواجد هنا في المنتدي
او انتي مخطوبه تحبي انه يكون متواجد هنا
ولو انت موافق انك تدخل وهي لا ياريت اعرف السبب
بصو مش عايزه اجابات عشان نبين ان احنا كويسين
مع العلم انها ممكن تهتم بيك لو عندها فراغ
او انت تهتم بيها لو عندك وقت فراغ :tut:
خلصنا من اول حاجه جينا بقي للتقيل اوي وعايزه اجابه صريحه
لو انت متجوز وشايف ان عندك وقت فراغ ولوني اشك هي موافقه انك تقعد علي المنتدي
ولو انتي متجوزه توافق انت انها تقعد علي المنتدي
عايزه اجابات حقيقيه من الواقع
ولو انت موافق انت تقعد وهي لا عايزه اعرف السبب
اي منتدي مش شرك هنا
واي حد نازي يدخل ويقول شكرا علي الموضوع مايدخلش :0001:
انا عايزه نقاش اقنعني بوجه نظرك
وانتي كمان اقنعيني بوجه نظرك
:0022:
حاجه كمان في ناس ترد وتقول لا هي متعرفش المنتدي علي فكره البنات بيحبو يعرفوا انت بتقضي وقتك فين فا لو عرفت ممكن تحب تشترك فا جاوب علي ده الاساس
:0130:
:77:

[love_kingdom]

موضوع جميل يا فراشه و يشرفني و يسعدني اني اكون اول واحد ترد علي موضوع مهم زي ده
مجتمعنا مش سايب فرصه لينا اننا نعمل اي حاجه بنحبها بس دينا الجميل مش كل حاجه فيه حرام و مادام الحاجه دي مبتخلفش ديني يبقي مش مهم عندي اي حاجه تانيه
انا عايزه اعرف انا دلوقت بنت عندها وقت فراغ في خيارات كتيره علشان اقضيه و معظمها مقدرش اعملها لاني بخاف من ربي و لما لقيت حاجه حلوة زي منتدي المرعبين اقضي في وقتي و افيد و استفيد و اتعرف علي ناس كتير جديده و خصوصا لما تكون محترمه زيكم ايه المانع في كده مش احسن من لما البنت تروح تقعد طول النهار في النوادي و تبقي علي طول راحه جايه تتعرف علي ده و تصاحب ده و تخرج مع ده ماهي عندها وقت فراغ و عايزه تقضيه و خلاص و بعدين انا كبنت يهمني اعرف البنات اللي زيه بتفكر ازاي و الولاد كمان و خصوصا اني مفيش اي تعامل بيني و بين الولاد في اي مكان
الرد علي اسألتك اني اقبل ان خطيبي يشترك في منتدي دا انا اشجعه عارفه ليه علشان يقضي وقت فراغه في حاجه مفيده بدل ما يفتح التلفزيون و يتفرج علي الكليبات و علي الافلام و المناظر اللي متناسبش حد مسلم أهو يستفيد و يفيد اما بقي لوكنا متجوزين اوافق عادي بس ميقعدش عليه كتير و يسبني قاعده لوحدي و يقعد علي طول ساعتها هتضايق اوي وطبعا مهم يكون منتدي محترم زي ده و بعدين غالبا بعد الجواز بيقل وقت الفراغ بس اكيد هيبقي فيه و لو اللي خاطبني مش موافق اني اشترك في منتدي علشان الكلام الفاضي بتاع دي بنت منتدايات و القصه اللي عرفناها عن اللي كان خاطب وحده ....الخ يبقي بصراحه تفكيره غريب قوي و احتمال مرضاش اكمل معاه مش علشان المنتدي و بس لا ده معناه انه كل حاجه هيفكر فيها بالطريقه دي و هيحصل خلافات كتيرة و خصوصا اني عناديه اوي اما لو اقنعني انه مثلا مش عايزني اشترك في المنتدي علشان بيغير او علشان متشغلش عنه في الحاله دي افكر و اشوف هعمل ايه و احتمال انفذله اللي هو عايزه لاني اكيد هكون بحبه و يهمني رضاه عني اما الحاله الاولي انه يكون تفكيره متخلف و بيمشي ورا كلام اي حد ان بنات المنتدي مش كويسين ساعتها هحمد ربنا اني عرفته من الاول و هبعد علي طول
نفسي اقول ان مجتمعنا متخلف بس مقدرش !!!
هي دي اجباتي بمنتهي الصراحه و الشفافيه و اسفه علي الاطاله و ربنا يوفقك يا قمرايه
**((ملكة الحب))**

[farasha]

لا ملكه انتي كلامي جميل موووووووووووووووت ودا يشرفني انك رديتي اول واحده
شكرا نورتي الموضوع يا ملكه المنتدي

[farasha]

فين باقي الردود الجريئه

[Tariq Elmasry]

السلام عليكم ورحمة الله

انا هتكلم عن اللي يخصني وهو موافقتي على ان خطيبتى او زوجتي تتواجد هنا,, الحقيقه مش لاني من عشاق المنتدى لا انا هوافق لانها حاجه مش غلط اساسآ يعني الواحد يتمنى ان زوجته تكون مثقفه ومتابعه الدنيا علشان الواحد يعرف يدخل معاها في نقاش هادف ويكون مستوى تفكيرنا واحد لكن بالنسبه ليها هي بقى اعتقد انها مش هترفض لان حتى الكومبيوتر يعتبر مجال عملي وبالتالي مفيش فيها مشاكل

وشكرآ يا فراشه على الموضوع وفكره جميله بجد

في امان الله ^_^

[farasha]

شكرا يا طارق علي تعليقك نورت الموضوع

[nooor islamna]

امممممم متهيالى اة واية المانع اصل اللى مش هيكون محترم عموما مش هيكون محترم فى منتدى او فى اى مكان

والمحترم هيفرض احترامة على الكل فى اى مكان

فانا شايفة ان مفيهاش مانع عموما مدام مفيش حاجة تغضب ربنا

تحياتى ومشكورة فراشتنا على الموضوع

[Pop فيلم رعب]

هو من ناحية مهم فهو مهم

وطبعا في منتدى زي المرعبين ده انا موافق عشان الناس كلها محترمة فخلاص ايه المانع

وأكيد النت كل الناس بتسخدمه وزي ما انا ليا الحق فب استعماله من حقها كمان تستعمله

وده اقل حق ليها

و زي ما انا بكتب وبحب اطلع الحاجات اللي بكتبها وبحب ابدع فده كمان من حقها

وادام انا تفكيري محترم وموجهة توجيه صح يبقى اكيد هي كمان هايكون عندها نفس التفكير

شكراً لموضوعك

بـــــــــــــــــــ Pop ــــــــــــــوب

[zembo]

كلام جميل
و بالنسبالى هارد من غير فلسفه
نعتبر المنتدى هو مكان واقعى و موجود
و الاشخاص بجميع الاعمار موجودين
اكيد موجود بيننا اشخاص غير ملتزمين 100%
ولكن قواعد المكان تحتم عليه ان يكون شخص محترم........و الا...

و بعدين انا هاكون مطمئن على شريكتى اكيد فى هذا المكان
على الاقل محدش هيعاكسها و لا هيحاول يجيب نمره الموبايل

و ان شاء الله اول اما اخطب رسمى هاخليها تدخل ترد ع الموضوع ده
و برضه تقول رايها


موضوع جميل ............ لك تحياتى

[nice_man]

أوافق بالطبع بشرط عدم دخولها فى مناقشات مع شباب

يعنى تدخل تشوف الموضوعات و الحاجات اللى تعجبها و تشكر صاحبها او صاحبتها و لو موضوع مطلوب فيه رأى تسيب رأيها و تخرج على كده بدون مناقشات

و شكرا على الموضوع الجميل

[farasha]

شكرا يا جماعه علي مشاركتكو الجميله نورتو الموضوع

[ZIZO]

انا مش هرد بمثاليه ولا حاجه
انا بس عايز اسالك سؤال صغير : هو ايه الفرق بين انها تكتب فى منتدى ولا ما تكتبش .....؟ انا بصراحه مش شايف ان فيها عيب يعنى
وبعدين الانسانه المحترمه هتفضل محترمه مهما كانت اذا كانت فى منتدى او لا . المحترمه بتخلى الناس كلها تحترمها


نيجى للسؤال اللى هو خطيبتى : انا اولا مش خاطب ولا متجوز ..... بس الانسانه اللى بحبها كل اللى اقدر اقولهولك انها عضوه هنا فى المنتدى هى اه بتكتب قليل جدا وتواجدها قليل بس اهى موجوده فى منتدى ( بدون ما ندخل فى تفاصيل )
يعنى معناها انى مش معترض على حاجه زى دى
وبعدين انا شايف ان فيه اعضاء هنا كتير سواء شباب او بنات (بدون ذكر اسامى علشان ما انساش حد) فى منتدى الاحترام جدا

[احـــمـــد]

اممممممممممم
اه طبعا لو انا خاطب هاسمحلها انها تدخل على المنتدى مفيش اى مشكلة
واصلا شرط اساسى فيها انها تكون مثقفة وعلى دراية بكل اللى حواليها

اما لو متجوز وفى وقت فراغ ليها بما انى مش هاسمحلها بنزول اى شغل
فممكن طبعا انها تتواجد ف المنتدى طالما مش هتقصر فى حق البيت

بس ربــــــــنــــــــــا يسهل بس واتجوز وبعدين نبقى نشوف موضوع النت ههههههههههههه

تسلم الايادى يا فراشــــة
موضوعك جميل

فى حفظ الله

[اميرالرومانسية]

والله الموضوع محرج فعلا بس بجد
انا عرفتها على المنتدى دة وهيا رفضت
انها تسجل فيه من غير ما توضح الاسباب
وانا مناقشتهاش فيه تانى
بس هيا بتطلب منى اللينكات بتاعت مواضيعى وبتحب تقراها اوى
وانا كمان بحب اخد رايها جداااااااااااااااااااا
اما بالنسبة لو مجوزها ممكن افكر قبل ما اسمحلها بكدة طبعا
اتمنى تكون وجهة نظرى وصلت
وشكرا على الموضوع بجد رائع

[Tito]

بصي من الاخر كده يا فراشه

ان انا موافقش علي وجودها في المنتدي ده يعني وصول الغيره الي حد العمي اللي بيسمي (( انعدام الثقه في الاخر)) وعليه انا اساسا غير مرغم بالارتباط بانسانه انا ثقتي فيها منعدمه اساسا

وان وفقت علي دخولها المنتدي بكل حريه وعادي جدا ومن غير ما اعرف اي حاجه عن الاكونت بتاعها فيه ايه جوه ده يعني وصول الثقه لاعلي درجاتها اللي بتسمي (( انعدام الغيره))

وساعتها مبقاش راجل شرقي مهما اه تحررت وكده بس انا شرقي اولا واخيرا

يبقي اللي يحصل تشترك عادي وتشارك مع كل الناس بس تحت راقبتي من غير ما تعرف

وبعلمها بقي يكون معايا الباس وورد بتاعها ( وده مش شك صح ولا ايه ده حق وهي ليها في المقابل نفس الحق عندي شوفتي انا راجل ديمقراطي ازاي ههههههههههههههههههههه )



بس ركزي بقي معايا كده



ابقي موجود في البيت مثلا اجازه او راحه وعايز اقعد معاها تقعد علي المنتدي !!

ده كابل النت حيتقطع بمقص تقليم الشجر وحياه ربنا لان الانترنت بيشغل الشخص جدا جدا جدا

وبعدين عايز اقولك علي حاجه

الانترنت عايز وقت لو هي حتراعي بيتي كويس اوي وولادي وانا طبعا الاساسي فوق كل ده هههههه وبعدين تفضي وقت ليه براحتها

لكن لو قصرت في حاجه من دول يبقي ملهاش الحق في دخول المنتدي



في نفس الوقت الوقيت الموقوت

هي لازم تكون بتفهم كويس نت

لاني مش قاعد مع عيالي طول النهار وهي اللي حتقوم بالمهنه المشرفه دي ههههههههههههههههههههه
يبقي لازم تكون بتفهم نت كويس

وانا كمان افهمها كويس جدا عليه بصفتي عارف نت من يوم ما قالوا يا نت ومن ايام ما كان بيدخل متعبي في حلل


عشان لما العيال يبداو يستخدموه تبقي هي مش قاعده كوز دره كده

لالا تعرفهم هي عليه كويس وايه الغلط فيه وايه الصح وازاي استخدامه والاستفاده منه وازاي اظبط نفسي عليه من غير ادمان ليه



بس يا فراشه صدعتك انا صح ههههههههههههههههههههههههههههههههههههههه

[farasha]

شكرا يا جماعه نورتو الموضوع وشكرا علي مشاركتكو الجميله

[Theking Of Sadness]

مفيش مانع انها تشترك واكيدلما اخطب مفيش مانع انها تشارك في نفس المنتدى اللى مشارك فيه
مادام انا ما بعمل حاجة غلط ما اوافق ليه علي دخولها لنفس المنتدى
وشكراً علي الموضوع الجميل دي يا اجمل فراشة في تلك الدنيا

[farasha]

شكرا يا اوكي نورت الموضوع وشكرا علي مشاركتك
وشكرا علي الكلام الجميل

[Hisoka]

أنا هسمحلها تقعد على المنتدى لو هي خطيبتي أما لو مراتي هوافق طبعا بس ياريت متتكلمش في مواضيع وتجيب سيرة أسراري أو أسرارنا مع بعض لكن أنا معنديش أي مانع من أن خطيبتي أو مراتي تقعد على المنتدى

[mnmona]

اوافق مادام المنتدى محترم ايه المانع
احسن مايضيع وقته فى الشات وتبقى مصيبه
اكيد هوافق يشترك واكون معه واشجعه كمان بمواضيعه
ميرسى يافراشه موضوعك مهم جدااااااااا

[farasha]

شكرا يا جماعه نورتو الموضوع وشكرا علي مشاركتكو

[mady___28]

السلام عليكم ورحمة الله وبركاته
بصراحه يا فراشه الموضوع جميل جدا وواقعي
انا بصراحه كل اللي يهمني اني أعلم حبيبتي الدخول على النت وان هي تجيب اللي هي عايزاه من أبحاث ومن حاجان بتحتاجها في الكليه بنفسها
ومفيش عندي أي مانع من إنها تدخل المنتدى وتشارك بأراء وتكتب مواضيع
وتكثف من ثقافتها كمان
شكرا ليكي يا فراشه على مواضيعك

[farasha]

شكرا يا مادي نورت الموضوع
وحمدلله علي السلامه نورت المنتدي

[نوتي]

هاي فراشة اولا انا ليا الشرف اني ارد على موضوعك
و بكل تواضع انا رئي لو انه هيعد عليه ايام الخطوبة براحته دي حرية سخصية واكيد هو هيكون مبسوط وانا عادي عندي بس بشرط اني اعرف ايه انواع المنتديات الي بيحب يعد عليها عشان اكيد هيه منعكسة نوعا ما على شخصيته يعني لو بيعد على منتدى كويس ايه المانع انما لو منتدى بيعد بس عليه عشان حجات تافهه فلا والف لا انما بقا بعد الجوازفالوضع مختلف تماما يعني مش هيعد على النت عموما الا لما اكون على راسه مراقبه مش عدم ثقة فيه او في المنتديات لان ايشخص هيقدم على خطوة الزواج اكيد هو انسان عاقل لكن يعني اصل انا عندي مرض الغيرة بس ده لو كنت انا كمان فاضية وهو اعد على النت و ولا معبرني لكن لو مشغوله لا عادي عشان هو ميحسش بملل بس عموما حلو اوي انه يكون بيحب النت لان كده هتكون اهتماتنا واحده وده معناه انو متفتح وهيرضى اني انا كمان اعد على المنتدي اؤل رئيي واناقش


يا رب اكون جاوبت صح من غير تكلف ومكنش طولت عليكو

[farasha]

ؤايك جميله يا قمر وده شرف ليا انك تدخلي موضوعي بجد نورتي الموضوع وشكرا علي مشاركتك الجميله