rouh_rohy
13-04-2008, 11:36 PM
أنا حكايتى ممكن تكون عادية شوية بس أنامش لقيا ليها حل
مشكلتى أبتدت من سنتين ونصف تقريبا حبيت أنسان حسيت فيه بكل حاجة كنت عايزاها وكنت بتمناها أرتبطنا ببعض حوالى ثلاث شهور كانوا من أجمل أيام حياتى وحسيت فعلا بأن فيه حب فى الدنيا ده وفجأة أتغير فجأة بس كان تغير علشان مصلحتنا وطلب منى أن أحنا لازم نبعد عن بعض لغاية ما يقدر يجيلى البيت فى الأول رفضت وماكنتش قادرة أبعد عنه هو كان صح بس حبى ليه كان أقوى قلت له أنا هأستناك وبعدنا عن بعض حوالى ست شهور ورجعلى علشان يكلم بابا بس حصل سوء تفاهم هو كان لسه فى بداية حياته وكان عايز فترة الخطوبة تبقى طويلة بس أهلى رفضوا وهو خد الموضوع بحساسيه وأهنى جامد جدا وكانت نفسيتى تعبانه جدا وبعد كده بشهرين أتصل بيا وقالى أنه مسافر أنا رديت عليه وقلت له أنا أتخطبت مش عارفه ليه بس كنت حاسه بتعب جوايا جدا وجرح مش قادرة أداويه ولما وصل السعودية كلمنى تانى وقلت له أنى ماأتخبطش المهم عديت حوالى سنة وأتقدملى واحد وأهلى كانوا موافقين عليه وأنا كنت رفضاها وغصب عنى وفقت وأنا مش بحبه وبعد الخطوبة ظهر ليهم أنه أنسان مش كويس وسبته وأنا حاسه أن الجراح جوايا بتكبر أكثر وبعد ما سبته لقيت حبيبى الأول بيكلمنى تانى وهو مسافر بيطمن عليا فرحت وحسيت بأمل بس مش عارفه ليه هو فاضل له شهرين ويجى مصر أنا حسيت من كلامه ليا أنه لسه عايزنى أنا مش عارفه أعمل أيه أستناه لغاية لما يجى بس مش عارفه أقوله أزاى أنى أتخطبت وياترى هيصدق أنى لسه فعلا بحبه وياترى لو هو لسه عايزنى أوافق عليه بعد كل اللى حصل
أنا طولت عليكم بس هو ده المختصر المفيد لسنتين ونصف من حياتى عدوا وكل حاجة كانت فى السنين ده آلالام وجراح ليا
مشكلتى أبتدت من سنتين ونصف تقريبا حبيت أنسان حسيت فيه بكل حاجة كنت عايزاها وكنت بتمناها أرتبطنا ببعض حوالى ثلاث شهور كانوا من أجمل أيام حياتى وحسيت فعلا بأن فيه حب فى الدنيا ده وفجأة أتغير فجأة بس كان تغير علشان مصلحتنا وطلب منى أن أحنا لازم نبعد عن بعض لغاية ما يقدر يجيلى البيت فى الأول رفضت وماكنتش قادرة أبعد عنه هو كان صح بس حبى ليه كان أقوى قلت له أنا هأستناك وبعدنا عن بعض حوالى ست شهور ورجعلى علشان يكلم بابا بس حصل سوء تفاهم هو كان لسه فى بداية حياته وكان عايز فترة الخطوبة تبقى طويلة بس أهلى رفضوا وهو خد الموضوع بحساسيه وأهنى جامد جدا وكانت نفسيتى تعبانه جدا وبعد كده بشهرين أتصل بيا وقالى أنه مسافر أنا رديت عليه وقلت له أنا أتخطبت مش عارفه ليه بس كنت حاسه بتعب جوايا جدا وجرح مش قادرة أداويه ولما وصل السعودية كلمنى تانى وقلت له أنى ماأتخبطش المهم عديت حوالى سنة وأتقدملى واحد وأهلى كانوا موافقين عليه وأنا كنت رفضاها وغصب عنى وفقت وأنا مش بحبه وبعد الخطوبة ظهر ليهم أنه أنسان مش كويس وسبته وأنا حاسه أن الجراح جوايا بتكبر أكثر وبعد ما سبته لقيت حبيبى الأول بيكلمنى تانى وهو مسافر بيطمن عليا فرحت وحسيت بأمل بس مش عارفه ليه هو فاضل له شهرين ويجى مصر أنا حسيت من كلامه ليا أنه لسه عايزنى أنا مش عارفه أعمل أيه أستناه لغاية لما يجى بس مش عارفه أقوله أزاى أنى أتخطبت وياترى هيصدق أنى لسه فعلا بحبه وياترى لو هو لسه عايزنى أوافق عليه بعد كل اللى حصل
أنا طولت عليكم بس هو ده المختصر المفيد لسنتين ونصف من حياتى عدوا وكل حاجة كانت فى السنين ده آلالام وجراح ليا