ماهو الحجاب الشرعى؟

[اميرة الغنايمة]

السلام عليكم ورحمة الله وبركاته
كثيراً ما يدور الجدل في إطار النساء حول مسألة الحجاب الشرعي، فمن قائلة أن المرأة عورة كلها، ومن مستثنية للوجه واليدين، ومن قائلة بضرورة سواد اللباس، فما هو القول الراجح؟ وهل الأورع تغطية الوجه واليدين واتخاذ الثوب الأسود؟
إن الحكم الشرعي يقتضي من النساء أن يسلمن لأمر الله ورسوله، وأن لا يكون تعبدهن اتباعاً للهوى وميل النفوس، ولهذا قال الله تعالى: {وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ}، فلذلك إذا جاء أمر الله ورسوله على الجميع أن يقول سمعنا وأطعنا، والله عز وجل أمر النساء بالتستر ولم يحدد ما يجب عليهن ستره بالنص، والرسول صلى الله عليه وسلم أمرهن كذلك، ولكن ثبت عنه صلى الله عليه وسلم في ثمانية أحاديث صحيحة أن النساء كن في حضرته يكشفن عن وجوههن وكذلك عن أيديهن، فدل هذا على أن الوجه واليدين ليسا بعورة، وكذلك اليدان المقصود بهما الكفان فقط، وكذلك ثبت عنه صلى الله عليه وسلم أنه كان يكلمهن ويحاورهن ووجوههن بادية، فدل هذا على أن الوجوه ليست بعورة، وكذلك فإنهن لا يجب عليهن بالإجماع ستر الوجوه والأكف في الصلاة، فدل هذا على أن الوجه والكفين في الصلاة ليسا بعورة.

وأما لون الثوب فلم يرد فيه نص ولا أمر فيحل للمرأة أي لون شاءت، ولكنها يُمنع عليها الخروج فيما كان لافتاً للانتباه سواء كان أسود أو غير أسود، فما كان لافتاً لحسنه أو رائحته فهو محظور.

وإذا خشيت الفتنة أو خشي عليها الفتنة وجب عليها ستر وجهها، وإذا خشيت الفتنة مع ستر الوجه وجب عليها عدم الخروج من البيت، وإذا خشيت الفتنة مع الملابس وهي متغطية تماماً وجب عليها أن لا تخرج من البيت أصلاً، فالفتنة إذا حصلت وجب قطعها مطلقاً.
والله اعلى واعلم اللهم اهدنا جميعا لما فيه الخير والرشاد
م
ن
ق
و
و
ل

[نور]

السلام عليكم ورحمة الله وبركاته
بسم الله والحمدلله والصلاة والسلام على رسول الله .. اما بعد .. فان اصدق الحديث كتاب الله وخير الهدي هدي رسول الله.. من يهده الله فلا مضل له ومن يضل فلن يجد له هاديا مرشدا ... ثم اما بعد ...
===
يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ ** يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ ** وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَّرِيدٍ ** كُتِبَ عَلَيْهِ أَنَّهُ مَن تَوَلَّاهُ فَأَنَّهُ يُضِلُّهُ وَيَهْدِيهِ إِلَى عَذَابِ السَّعِيرِ ..... سورة الحج الايات من 1 الى 4 ....
===
كثر الكلام عن الحجاب ممن يعلم ومن لا يعلم والكل يفتى ويتحدث حتى انه وصل الحد الى الخوض فى فرضية الحجاب واصبحت الحجج كثيرة وواهية من عدم اقتناع ومن خوف من عدم الالتزام بعدها وما شابه ....

يقول تعالى:

" يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أَدْنَى أَن يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَّحِيمًا " سورة الأحزاب الاية 59

ان يعرفن ... نظرة المجتمع للمحجبة حجاب شرعى هي نظرة اجلال واحترام وتقدير
فلا يؤذين .... لا بالقول ولا بالنظر .... لأن المجتمع عرفها فاحترمها وفضل عدم جرحها او ايذائها

" وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ " سورة النور الاية 31

فى الآيتين السابقتين دليلان صريحان على فرضية الحجاب ومن قال ان الكلام لنساء النبي فليرجع ثانية للاية وليقرأها كاملة وسوف يجد فيها ونســــــــــــــــــــــــــــــــاء المؤمنين ...
اختى فى الله الستى من نساء المؤمنين؟! الا تعتبرين نفسك منهم ؟! لقد اخبر الله فى كتابه انك منهم وامر نبيه عليه الصلاة والسلام ان يأمرك بالحجاب فهلا اطعتى امر الله ورسوله الا تريدين ان يجمعك الله فى الجنة مع نساء
النبى وبناته كما جمعك بهم فى الاية؟!
" وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ " سورة الحشر الاية 7
" تِلْكَ حُدُودُ اللَّهِ وَمَن يُطِعِ اللَّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ" سورة النساء الاية 13
وذلك الفوز العظيم ... طيب انتى كسبانه ايه بعدم ارتداء الحجاب؟ اعجاب الشباب بيكى ؟ تبقى خسرانه وخسرانه اوى كمان لأنه اعجاب نابع من شهوة حيوانيه لأنه لم يعجب بيكى كأنسانه او كشخيه وانما اعجب بالشيء الرخيص اللى شايفه قدامه ( اسف فى اللفظ بس ده اللى بنقوله كشباب بيننا وبين بعض ) ... يعنى كسبتى نظرة اعجاب مزيفه وخسرتى نظرة رضا من الله عز وجل .... تفتكرى ايه احسن؟ الرد معروف طبعا ...

طيب ايه هوالحجاب؟؟؟

الحجاب فى اللغة : هو الستر البنت بتتمنى الستر اكتر من الولد .. طيب مهو الستر جايلك لحد عندك مالك بقى؟!
الحجاب الشرعى ومواصفاته :: هو ستر جميييييع البدن ما عدا الوجه والكفين ( على خلاف بين العلماء ) .
خدى بالك ستر جميع البدن ما عدا الوجه والكفين يعنى الحجاب مش طرحة اسبانيش تغطى الشعر وتسيب الرقبه وحتة من الودن باينه ...

مواصفاته :: 1- ان لا يكون شفاف... 2- ان لا يفسر الجسم ( يعنى مش محزق وملزق ) . 3- ان يكون ساترا فضفاضا ( يعنى واسع ومش اي شوية هوا يطيروه ).
طيب والطرحة ... تغطى الشعر وتنزل على الصدر ( تغطى فتحة الديكونتيه ) الا اذا كان اللبس واسع لدرجة انه مش مفسر الصدر.

" لّا جُنَاحَ عَلَيْهِنَّ فِي آبَائِهِنَّ وَلا أَبْنَائِهِنَّ وَلا إِخْوَانِهِنَّ وَلا أَبْنَاء إِخْوَانِهِنَّ وَلا أَبْنَاء أَخَوَاتِهِنَّ وَلا نِسَائِهِنَّ وَلا مَا مَلَكَتْ أَيْمَانُهُنَّ وَاتَّقِينَ اللَّهَ إِنَّ اللَّهَ كَانَ عَلَى كُلِّ شَيْءٍ شَهِيدًا " سورة الحزاب الاية 55

الآية اللى فوق توضح منهم الذين يحل لكى ولهك ان يروكى بدون حجاب كامل او بمعنى ادق حد العورة لكى بالنسبة لهم من السرة الى الركبة....

اختى فى الله انا بدعوكى من كل قلبى وبنية صادقه انك تلبسى الحجاب وتلبسيه دلوقتى عن اقتناع لأنه فرض من الله
واسأل الله ان يحبب اليكى الحجاب والعفة والحياء ويحبب اليكى فعل الخيرات وترك المنكرات والصبر على الطاعات ..... اللهم امين

اللهم اهدنا واهدى بنا واجعل جميع اعمالنا خالصة لوجهك الكريم خالصة من الرياء والنفاق والسمعة ... اللهم امين امين


اسف على الاطالة ... كنت رديت تقريبا نفس الرد ده فى موضوع عن الحجاب فى مرعبين قبل الحذف :)


جزاكم الله خيرا اختى اميرة الغنايمة على الموضوع المميز وواصلى جعله الله فى موازين حسناتك...اللهم امين

[اميرة الغنايمة]

شكرا جزيلا يانور على الاضافه الجميله المفيده والمربحه دى
انت وفرت عليه الموضوع التانى اللى كنت لسه حالا باعمله وهوه مواصفات الحجاب الشرعى
اصل الموضوع ده بجد مهم ويهمنى انى اوضح فيه حجات كتيره
جزاك الله خيرا وجعله الله فى ميزان حسناتك
انا بس هارد بكلامك بالموافقه واسمحلى بالحديث ده
(من كانت نيته طلب الاخره جعل الله غناه فى قلبه وجمع عليه شمله ولا يؤتيه من الدنيا الا ماكتب له ومن كانت نيته طلب الدنيا جعل الله الفقر بين عينيه وشتت عليه شمله ولم يؤتيه من الدنيا الا ماكتب له)
انا متشكره قوى على الافاده بجد يانور وفرت عليه مع انى كنت عاوزه اخد الحسنات دى ماتزعلش من الانانيه معلش بقى انانيه فى حب الله حلوه يعنى

[love_for ever]

جزاكم الله خيرا يا جماعة وشكرا يا قمرايه على الموضوع الجميل وربنا يهدينا جميعا
ويوفقنا لما يحبه ويرضاه

[اميرة الغنايمة]

العفو يا حبيبتى نورتى الموضوع
والحمد لله انه عجبك
احنا هنا كلنا بنكمل بعض وهدفنا واحد وهو حب الله وخدمة الدين والمسلمين

[love_kingdom]

شكرا علي الموضوع الجميل بس بجد في حاجه محيراني انا ليا اصحاب سعوديين و هما عندهم الحجاب الشرعي الا يظهر من المرأة اي شئ حتي النقاب حرام لازم العنين متبانش و بيحاولوا يقنعوني ان انا بما اني مش منقبه ابقي مش محجبه و احاول اقنعهم بإن الوجه و الكفين حلال كشفهم مفيش فايدة انا لبسي الحمد لله محترم جدا لاكن بالنسبه ليهم مش حجاب شرعي لازم كل حاجه تتغطي انا احترت خايفه يكون كلامهم صح و اكون كده بعصي ربنا بس انا مش شايفه ان في نص صريح انا بدعي ربنا يهديني للطريق الصح

**((ملكة الحب))**

[اميرة الغنايمة]

اولا شكرا حبيبتى على الرد
ثانيا انتى قريتىكلام اخوكىنور عن مواصفات الحجاب لما قال
مواصفاته :: 1- ان لا يكون شفاف... 2- ان لا يفسر الجسم ( يعنى مش محزق وملزق ) . 3- ان يكون ساترا فضفاضا ( يعنى واسع ومش اي شوية هوا يطيروه ).
طيب والطرحة ... تغطى الشعر وتنزل على الصدر ( تغطى فتحة الديكونتيه ) الا اذا كان اللبس واسع لدرجة انه مش مفسر الصدر.
بصى حبيبتى الدينيسر وليس عسر انا صحيح انى افتى فى الدين مش ليه الحق فى ده واكيدعاوزه متخصص بس اللى اعرفهان النقاب فضل وليس فرض
ماتصعبيش الامور علىنفسكوهونى علىنفسك وحاولى تلبسى مايبعدك عن الفتنه
ورزقناواياكى الطريق الصحيح والفردوس الاعلى

[lonely _heart]

صراحه
موضوع مميز جدااااااااااااا
وشامل اموركتييييييره اوى
جزا الله كل خير لكل من ساهم فى الموضوع دا
بارك الله فيكم
وجزاكم اعالى الجنان
وفى حفظ وقرب الرحمن
يارب ينور قلوبكم ويرزقكم بكل ما تتمنوا
ويرزقكم صفاء الروح و قلب مطمئن فى سعاده وفرح وسرور دائما

امين يارب العالمين

[اميرة الغنايمة]

نحن واياكم ياقمر بجد نورتى الموضوع
اللهم امين والحمد لله اننا كلنا نبقى ايد واحده ونفيد ونستفيد ونخدم دينا واخواتنا
شكرا على الرد الجميل ياحبى وعلى المرور

[رووز]

:0033:السلام عليكم ورحمة الله وبركاته:0033:
فى بادئ الامر اشكرك اختى وكل من شارك فى التوضيح على هذا الموضوع الرائع
والله يا جماعة انا كنت بدوخ السبع دوخات علشان اشترى لبس شيك وفى نفس الوقت يكون محترم وشرعى بس ملقتش فعلا لان كل المعروض بره باديهات وجيب معظمها ضيقة ولو قلت البس تونيك دايما الاقيه ضيق واذا قلت بلوزة على جية بلف قااااااد كده علشان الاقى بلوزة واسعة
وفى الاخر اخدت قرار ونفذته عن حب وهو انى لبست الاسدال والحمد لله مرتاحة فيه اوى لانه بيوفى الغرض (شرعى _ مريح) وادعولى ربنا يثبتنى بس المشكلة انى بلاقى كتير بيقولولى ان النقاب فرض وانى لازم البسه وانا مش مفضلاه دلوقتى خصوصا انى لسه فى ثانوى فانا نفسى اعرف هل النقاب فرض ام سنة
:0033:

[اميرة الغنايمة]

العفو يا حبيبتى
الحمد لله طبعا انك اهتديتى لفكرة الاسدال بس برضو بلله عليكى اختى فى الله بلاش تمشى على الموضه فى الاسدال كمان يعنى بلاش يبقى هوه نفسه اساس الزينه عشان مايفقدش شرعيته يعنى والحمد لله انك اهتديتى ليه ربنا بيحبك بس نحافظ عليه عشان نبقى قدوه لغيرنا اما بالنسبه للنقاب انا غير مؤهله للفتوى وافتكر زيزو عامل موضوع عن النقاب ممكن حضرتك تدخليه وتشوفى الاراء هوه بصراحه سعات بيكون النقاب واجب اللبس فى حالاة الفتن والمشاكل وما الى ذلك وخصوصا فى المجتمع اللى احنا عايشين فيه اللى كترت فيه جرائم التحرش والاغتصاب يبقى النقاب واجب بس مادام الحمد لله مافيش مشاكل وانتى اخدتى اول خطوه يبقى بالراحه وهونى على نفسك خطوه خطوه وربنا يجعلنا ممن يستمعون للقول فيتبعون احسنه

[رووز]

ربى يخليكى اختى على نصيحتك الغالية
وانا الحمد لله جايبة الاسدال اسود ومش بلبس المعاصم (الكم) الملونة بس علشان كتيير يتقبلونى بالاسدال بعد ما كنت بلبس جميع الالوان فبقيت بلبس لون هادى تحت الاسدال ( لبنى - بمبى _ بيج) وربى يهدينا جميعا لطريقه
وان شاء الله هشوف موضوع الاخ زيزو
دمتى بصحة وعافية

[اميرة الغنايمة]

شكرا ليكى اختى الحبيبه على زوقك وردك
احنا فى الخدمه وربنا يجعلنا واياكم للمتقين اماما
ومادام لبسك حبيبتى فضفاض والاسدال محترم ومريحك وانتى بتراعى حدود الشرع فيه يبقى الحمد لله فضل من عند الرحمن وكرم ونحافظ بقى على قد مانقدر نلتزم وربنا يكرم لى ان يتيسر الحال وناخد خطوة النقاب
بجد والله نورتى الموضوع
لو عوزتى اى حاجه احنا فى الخدمه