اريد نصيحة لوجه الله

[eng_smile]

انا فتاة محجبة الحجاب الشرعى و احسبه كزلك و لكنى عندى مشكلة واريد منكم يا اخواتى المساعدة انى كثيرة التعلق بالتلفزيون و عندما ازهب للنوم ضميرى يقعد يانبنى كتير قوى و كل مرة بقول خلاص بس برجع تانى انا اه بتفرج على حجات عادية ولكن بزعل بعد لما الاقى الوقت جرى فى حاجات تافهة.....

انا اول مرة ادخل منتدى للاخوات وارجو ان تاخزوا بيدى و نتلاقى فى الجنة ان شاء الله

اى اخت عندها نصيحة يا ريت ماتبخلش عليا

[lonely _heart]

السلام عليكم ورحمه الله وبركاته
حبيبتى
بجد ربنا يباركلك ويرزقك الفردوس االاعلى
ويجعلك من التقيات الصالحات
وربنا ينور قلبك وبصيرتك ويرشدك لكل الخير يارب العالمين
حبيبتى
نصيحتى ليكى ولنفسى
انك تشغلى وقتك بذكر الله عز وجل على قد ما تقدرى
ممكن تذكرى ربنا وانتى بتعملى حجات كتيره اوى
مثلا وانتى واقفه فى المطبخ بتعملى ليكى اى حاجه
لو بنتحبى ترسمى او تكتبى شعر او اى حاجه من الحجات دى ممكن تذكرى ربنا خلال الوقت دا
منه يبقى بتذكرى ومنه بتمارسى هوايتك

ممكن بدل ما تفتحى التلفزيون على فلم او مسلسل ممكن على قناه اسلاميه
الناس الحكمه الرحمه اقرا
وقناة اقرا بتجيب امور جديده ومختلفه متعلقه بالمراه
ممكن تتابعيها وحجات اسلاميه مفيده
ممكن تسلى وقتك فى الاقسام الاسلاميه فى النت
او اقسام تقدرى تستفيدى منها حجات تكسبى بيها خبره فى امور فى حياتك فى مجال الاسره فى مجال المراه عامة

حاولى تضيعى وقتك فى كل حاجه ممكن تقربك لربنا
يعنى ببرك لاهلك وبصلة رحمك
يعنى ساعدى مامتك فى البيت حتى لو فى وحده بتيجى تساعدها برده انتى ساعديها
اطبخى معاها مثلا
اكيد ان شاء الله ليكى ثواب على نيتك انك تكونى مع مامتك

يعنى فى امور كتييره اوى ياحبيبتى
ممكن تسلى وقتك بيها
والتلفزيون زى ما فيه تضيع للوقت
فيه الخسير الكبير فى القنوات الاسلاميه ربنا يجزاهم كل خير

وبجد سعيده بيكى اوى ياحبيبتى
ومتنسنيش من دعائك زى ما انا هدعيلك
وربنا يرزقك بكل ما تتمنى من خير

اختك
لونلى

[eng_smile]

فعلا ربنا يباركلك وانا هبدا من النهاردة و ربنا يعنى.
مكونتس فكرة ان حد هيرود عليا انا فعلا حبيتك جدا و مشكورة اوى يا لونلى

جزاكى الله كل خير

[love_for ever]

ربنا يهديكي يا اختي ويهدينا جميعا عاوزة اقول لك حاجه انا كنت زيك كده بحب التليفزيون الحمد لله كنت بتفرج على حاجات عاديه جداا يعني بس كنت على طول بحب اتفرج لحد الحمد لله دلوقت بقيت مش باطيق اقعد قدامه خالص هوو فعلا زي ما لونلي قالت جزاها الله خيرا انك بس تحاولي لما يبقى خلاص عاوزة تتفرجي على التليفزيون هاتي قنوات اسلامية حاولي ما تجبيش غيرها شويه شويه وباذن الله حتنسي التليفزيون ده خالص وممكن تشغلي الراديو او حاجه برده على اذاعة القرأن الكريم ودا ان شاء الله كله هيساعدك وربنا يهدينا وايكي ويوفقنا جميعا لما يحبه ويرضاه

[amslim.rif]

مازلت الأمة على خير ما دام هناك أناسٌ من نوعيتكِ يا أختي eng_smile و عليكِ بنصائح الأختينlonely _heart وlove_for everو سأضيف : أصيكِ و أصي نفسي عليكِ بالصحبة و الجماعة للأخواة المؤمنات ...والله يعنكِ على الطريق