تعليق إعتراضي على رسالة أختي المحجبة نص نص

[طيبة الطيبة]

بسم الله الرحمن الرحيم
مع إن زيزو كلامه رائع و لي له كل دعاء و تقدير
مع إن زيزو من مشرفيين هذا القسم الصالحات المصلحات
و مع كل إحترام و تقدير
رأيت من مواضيعه أنه رجل و لا أدري لماذا تضع إدارة المنتدى رجل مشرفا على قسم يخص النساء و الفتيات هل ذلك من عجز في العنصرالأنثوي؟ لا أظن ذلك أبدا
فهناك من الممكن إستبدال زيزو إن كان رجلا فعلا بعضوه فعالة جدا و هي أميرة الغنايمة
أنا لم أرد التعليق هكذا بهذه النظرة إلا عندما وجدت أن الأخ زيزو و لي له كل تقدير يخوض في وصف لملابس النساء لا يصح أن يقولها رجل من كلام زي ضيقة جدا و بادي و كده
إتقي الله يا زيزو و راجع نيتك
أعرف أنك تستطيع طردي من المنتدى أو حتي على الأقل حذف هذا الموضوع و لكن حينها تكون غير قابل للنقض
و هذه هي الفتنة بعينها التي من الممكن أن تقع فيها
إن أريد إلا الأصلاح ما إستطعت و ما توفيقي إلا بالله و شكرا

[ZIZO]

بسم الله الرحمن الرحيم
مع إن زيزو كلامه رائع و لي له كل دعاء و تقدير
مع إن زيزو من مشرفيين هذا القسم الصالحات المصلحات
و مع كل إحترام و تقدير
رأيت من مواضيعه أنه رجل و لا أدري لماذا تضع إدارة المنتدى رجل مشرفا على قسم يخص النساء و الفتيات هل ذلك من عجز في العنصرالأنثوي؟ لا أظن ذلك أبدا
فهناك من الممكن إستبدال زيزو إن كان رجلا فعلا بعضوه فعالة جدا و هي أميرة الغنايمة
أنا لم أرد التعليق هكذا بهذه النظرة إلا عندما وجدت أن الأخ زيزو و لي له كل تقدير يخوض في وصف لملابس النساء لا يصح أن يقولها رجل من كلام زي ضيقة جدا و بادي و كده
إتقي الله يا زيزو و راجع نيتك


اولا يا اخ طيبه
فى مشرفات بنات على قسم الصالحات وبنات محترمين وفاهمين دورهم كويس
وبعدين حضرتك بتقولى انى اخطأت انا مش شايف اى خطأ انا اخطأت فيه
اخطأت انى بتكلم عن لبس البنات
طيب ممكن اسألك سؤال
هو الداعين اللى بيجوا على التلفزيون مش بيتكلموا على نفس الحاجه اوقات وبمنتهى الجرأه صح ولا مش صح
ولا هنفرق بقى بين مواضيع الرجال والنساء
ومش معنى كلامى ان مفيش داعيات بنات... لا طبعا فى داعيات
بس الاغلب رجال وبيتكلموا عن امور تخص الرجال وايضا اوقات بيتكلموا عن امور تخص النساء
انا طبعا مش بقارن نفسى بالشيوخ الكبار والداعين ربنا يبارك فيهم ويجازيهم خيرا
انا بس بوضح لحضرتك وجهه نظرى وانتى حر فى رايك


أعرف أنك تستطيع طردي من المنتدى أو حتي على الأقل حذف هذا الموضوع و لكن حينها تكون غير قابل للنقض
و هذه هي الفتنة بعينها التي من الممكن أن تقع فيها
إن أريد إلا الأصلاح ما إستطعت و ما توفيقي إلا بالله و شكرا


لا طبعا مينفعش نطردك لان الاداره ما بتظلمش حد
بس كان بامكانى احذف الموضوع بس رديت عليك وسبته علشان ما تقولش انى بهرب من الرد والمناقشه
وشكرا

[طيبة الطيبة]

بسم الله الرحمن الرحيم
أخي في الله معتز كما أظن
تحية طيبة و بعد
أشكر و أقدر لك أسلوبك الراقي في الرد على رسالتي
أشكرك أيضا على جرأتك و شجاعتك على المواجهة فأنت من الرجال الذين قلما نجدهم الأن
أعتذر لك إن كانت رسالتي قد جرحت مشاعرك أو قمت بإيذائك فوالله ما أريد بهذا إلا الخير لأمة محمد صلى الله عليه و سلم و الله على ما أقول شهيد و لكن سامحني فأنا لا ألتمس لك العذر في قول كلمات جريئة كما وصفتها حتى و إن كان هناك من يرددها على التلفاز أو يردد أبشع منها فالحياء من الايمان
سيدنا محمد صلى الله عليه و سلم - نفسه - كان معظم الأمور التي تخص النساء لا يفتي بها وجها لوجه في وجه السائلات بل كان يقدم عائشة ليسألنها في الخفاء فإن كانت تعرف أفتت و إن لم تعرف تسأل هي النبي صلى الله عليه و سلم بينها و بينه ثم تخرج للنساء فتخبرهم
نبينا و حبيبنا محمد صلى الله عليه و سلم هو قدوتنا و ليس من يظهر في التلفاز مهما كانوا من أعلام و لنا لهم التقدير و لكن طالما كان هدي نبينا صلى الله عليه وسلم يخالفهم فلنتبع هديه
هذا و جزانا و جزاكم الله خيرا كثيرا على المجهود الرائع الذي تبذلوه و أسأل الله لي و لكم الثبات
و أخيرا لكم مني السلام
أخوكم محمد طيبة الطيبة المدينة المنورة

[لؤلؤه عصرها]

السلام عليكم ورحمه الله وبركاته

انا حبيت اعلق على كلام حضرتك يا استاذ طيبه

انالما شفت موضوعك دخلت على موضوع العضو زيزو وشوفته

ولقيته موضوع عادى جداااا وجميل وكله نصايح وملقتش اى حاجه غلط
لانه بيتكلم عن الواقع وعلىالى بيحصل بالفعل فى الشوارح وفى كل مكان
وهو حب ينصح البنات وربنا يجزاه كل خير

على العموم ده كان تعليقى على كلام حضرتك
لان دى وجه نظرى والى انا شيفاه
وجزاكم الله خيرا

[طيبة الطيبة]

جزانا و إياكم يا أختي في الله
أحترم رأيك فهذا شأنك و لكن أردت أن أوضح رأيي الذي أؤمن أنه صحيح و لكن لا يمكن لي أن أفرض رأيي على أحد فما على إلا النصح و الإرشاد بالتي هي أحسن
"و تعاونوا على البر و التقوى و لا تعاونوا على الإثم و العدوان"
"قل هذه سبيلي أدعو إلى الله على بصيرة أنا و من إتبعني و سبحان الله و ما أنا من المشركين"
أخوكم محمد /طيبة الطيبة /المدينة المنورة

[shaB3Rabi]

رأيت من مواضيعه أنه رجل و لا أدري لماذا تضع إدارة المنتدى رجل مشرفا على قسم يخص النساء و الفتيات
اسمحيلي ارد على النقطة دى بس في كلامك

الاخ زيزو مش مشرف قسم الصالحات المصلحات بحد ذاته
لتحرى الدقة أكثر هوه مشرف لقاءات فى حب الله
يعني مشرف الأقسام الإسلامية كافة
( لقاءات فى حب الله ) واى قسم يندرج منه
بيقوم نظام المنتدى تلقائيا بدون التدخل من إدارة المنتدى بوضعه مشرف عليه
بما انه اندرج تحت القسم الاسلامي الرئيسي

ارجو انى اكون قدرت اوضح لحضرتك النقطة دى

وفى النهاية احب ارحب بيكي وبقلمك فى المنتدى
فى انتظار تفاعلك فى كافة اقسام منتدانا وما يسطره لنا قلمك

[طيبة الطيبة]

شكرا جزيلا على التوضيح الشافي الكافي و جزاك الله خيرا

[كورتي البعبع]

أنا معاك يا بشمهندس طيبة الطيبة في رأيك لأنه سليم 100%, كثر الله من المخلصيين للدعوة أمثالك

[ZIZO]

معاه فى ايه
يا كورتى البعبع
طيب حضرتك انت وطيبه الطيبه طالما معترضين على كلامى
وان المفروض يبقى فى حياء يعنى مواضيع البنات تكون خاصه البنات بس
ممكن اعرف حضرتك والاخ محمد ( طيبه الطيبه ) ايه اللى دخلك على قسم الصالحات الخاص بالبنات
وموضوع الحياء
عايز اقولك ان لاحياء فى الدين ولا حياء فى العلم
اوكى
اتمنى انى اكون وضحت رايى
ومستنى ردكم

[أحب حجابي]

إزيكوا يا جماعة أتمنى مكنش أزعجتكوا و صحتكوا
المهم أنا عايزه أشكر الأخ طيبة الطيبة علشان بجد أنا لما قرأت موضوع الأخ زيزو إتحرقت بس خوفت أرد ثانيا أنا إتشجعت و عاوزه أرد دلوقتي عشان يمكن ألحق أخد ثواب الكلام دا مينفعش
ردا على الاخ زيزو إذا سمح لي طيبة الطيبة و كورتي البعبع ممكن الواحد الراجل يدعوا النساء طالما في حدود الحياء و الأدب الإسلامي العام و ده هو اللي انت بتقوله يا زيزو بس للأسف انت فاهمه غلط
أيوه مفهاش حاجه ان الواحد الراجل يدعوا النساء لكن في حدود العفة و الطهارة و هذا ما يفعله طيبة الطيبة فمفهاش حاجه انه يخش طالما عارف هو بيعمل ايه و بيعمله صح لكن مينفعش واحد بيدعوا و يقول أنا بيعجبني أوي الترتر و المحزء و غيره زي أما انت بتعمل يا زيزو لأن ده تأثيره وحش على البنات مهما أعدت بعد كده تشكر في الحجاب الشرعي لأن البنت و خصوصا اللي في سن المراهقة بتتفتن بلفت نظر الشباب و حتى لو كان بالطريقة اللي انت بتقول عليها انها بتروشك بما معنى كلامك يا زيزو
و أخيرا أسجل شكري لطيبة الطيبة و أقول لك سر على بركة الله نحن جميعا معك
و أقول لك يا زيزو الله يهديك

[طيبة الطيبة]

جزاكم الله خيرا يا أحب حجابي عبرتي عن وجهة نظري كاملة
شكرا

[lonely _heart]

السلام عليكم ورحمه الله وبركاته
ازيكم اخوانى يارب كلكم بيخر و سعاده وفرحه ودايما مبسوطين ومطمئنين
وكل هذا لا يكون الا بالتقرب الى الله عز وجل

واسال الله لنا ولكم الصدق والاخلاص لوجه الله تعـــــــالى فى القول و فى العمل

اكيد كلنا هنا بنلتقى فى اجواء ايمانيه صافيه فى القسم الاسلامى
املا فى اننا نتقرب الى الله عز وجل واملا فى كسب الحسنات و وزياده العلم
وكلنا بنسعى اننا نكون يد وحده نساعد بعض للتقرب الى الله
ونكون ذكرى حسننه لبعض للخير و للايمان
وبصدق نيه و باخلاص

و احسبكم كذلك ان شاء الله

وبما اننا اخوات وبنحب بعض فى الله
فاكيد اللى بيلاحظ ملحوظه صغيره فينا على التانى بينصحه وبيوجهه بدافع الحب الاخوى فى الله و المفروض علينا اننا نتقبل النصيحه
والاخ زيزو نعلم نيته الصادقه وخوفه على اخواته فى الله ونحسبه كذلك ان شاء الله
فيوجه لهم نصيحه من اخ يريد لاخته الوقار و التقرب اللى الله و الحشمه

والاخ طيبه الطيبة شاف ملحوظه ونصح بيها الاخ زيزو بدافع الحب الاخوى ومن دورنا السماع للغير تقبل النصيحه
و الحرص على المحبه و الاخوه و السماحه

انا لاحظت ان الموضوع فيه شد شويه و قرب يكون فى زعل من الطرفين
لكن احب اقول كلمه بسيطه
اننا كلنا اخوات و لازم نتحمل بعض ونقبل نصيحه بعض بحب و بهدوء
و اتمنى من الله عز وجل ان يجعلنا سبب للهدايه وليس سبب للفتنه
"و تعاونوا على البر و التقوى و لا تعاونوا على الإثم و العدوان"



وجزاكم الله كل خير
و اسال الله ان يجمع بينكم على خير

اختكم الصغيره
لونلى

[ZIZO]

و يقول أنا بيعجبني أوي الترتر و المحزء و غيره زي أما انت بتعمل يا زيزو لأن ده تأثيره وحش على البنات مهما أعدت بعد كده تشكر في الحجاب الشرعي لأن البنت و خصوصا اللي في سن المراهقة بتتفتن بلفت نظر الشباب و حتى لو كان بالطريقة اللي انت بتقول عليها انها بتروشك بما معنى كلامك يا زيزو

ارجعى يا اخت احب حجابى الى الموضوع واقرأيه جيدا
لن تجدى هذه الافتراءات التى قولتيها على . فانا لم اقل مطلقا انى احب الترتر والملزق وما شابه ذلك
ولكنى عيبت عليه
فارجوا منك ان تراجعى الموضوع قبل ان تردى علي حتى تستطيعى ان تنقدى دون ان تفترى على غيرك
وشكرا


سيدنا محمد صلى الله عليه و سلم - نفسه - كان معظم الأمور التي تخص النساء لا يفتي بها وجها لوجه في وجه السائلات بل كان يقدم عائشة ليسألنها في الخفاء فإن كانت تعرف أفتت و إن لم تعرف تسأل هي النبي صلى الله عليه و سلم بينها و بينه ثم تخرج للنساء فتخبرهم
نبينا و حبيبنا محمد صلى الله عليه و سلم هو قدوتنا و ليس من يظهر في التلفاز مهما كانوا من أعلام و لنا لهم التقدير و لكن طالما كان هدي نبينا صلى الله عليه وسلم يخالفهم فلنتبع هديه


اخى الكريم محمد اقدر لك خوفك وانشعالك وغيرتك على الدين الاسلامى وشريعة سيد الخلق المصطفى (ص)
ولكن من قال ان النبى (ص) لم يفتى للنساء وجها لوجة بالرجوع الى صحيح البخارى فى حديث اسماء عندما سالت النبى هل على المرأه من غسل اذا احتلمت. قال : نعم . فغطت ام سلمه وجهها وقالت : اوا تحتلم المرأه ؟ قال : تربت يمينك فبما يشبهها ولدها .
ففى هذا الحديث وفيه سؤال عن موضوع قد يخشى الكثير الكلام فيه ولكن النبى ( صلى الله عليه وسلم ) كان يرد عليها ويحاورها فهو القائل : لا حرج فى الدين .
اما عن هذا الكلام الذى ذكرت فى الموضوع فليس فيه خدشا عن الحياء ولكنى اعيب عن المعصيه بجميع صورها واخترت الاسلوب البسيط الذى قد يفهمه الجميع
فلكل مقام مقال
وعود الى احاديث النبى ( صلى الله عليه وسلم ) تجد انه كان يحاورهن من دون وسيط اى وجها لوجه ولكنهن يبتدرن الحجاب كما ورد فى حديث عمرو بن الخطاب
فارجو قبل ان تتكلم عن النبى ( صلى الله عليه وسلم ) ان تتأكد من صحه كلامك وان كان كلامك صحيحا فاورد لى حديثا ينص على ان السيده عائشه كانت وسيط بين النبى ( صلى الله عليه وسلم ) وبين الصحابيات .
وشكرا اخى الكريم

[مي92]

أنا أأسف على المداخلة

بس حبيت أعلق تعليق بسيط


مش المهم راجل ولا بنت اللي بيتكلمو المهم بيتكلمو في ايه ولو بيتكلمو في حاجة بتخص الدين وتصحيحه يبقى مفيش أي فرق بين البنت والولد مدام حاجة هتفيد الدين


وأنا دخلت على الموضوع وقرأته وعجبني جدا لأنه دعوة لتذكير كل بنت بالحجاب الصح ومفهوش أي جرأة بالعكس هوه بيبين للفتاة الحجاب الإسلامي الصحيح وبيقارن بينه وبين الواقع اللي عايشينه


وأأسف مرة تانية على المداخلة

[ZIZO]

يا اخ محمد ( طيبه الطيبه )
انت رحت فين
مستنى ردك يا استاذ محمد

[نور]

بسم الله والحمدلله والصلاة والسلام على رسول الله

سيد الخلق وامام المتقين وافضل من دعا الى الله بلسان قويم
ارسله ربه للثقلين الجن والانس رجالا ونساءا

لن اتحدث عن الناحية الشرعية اخى فى الله فقد افرد اخى معتز فى الكلام عنها

ولكن اتحدث من منطلق عقلى دينى عسى ان نصل الى حل ان شاء الله

تتحدث اخى عن الالفاظ التى يذكرها اخى معتز ... هل يوجد اسماء اخرى للبادى؟ هل اسم هذا الشيء يخدش الحياء ؟ هل الكلام عن ملابس النساء حرام؟ ام ان الكلام عن النساء بشهوة هو الحرام؟ هل رؤية ملابس النساء معروضة فى المحلات حرام؟

هل اخطأ علماء مثل بن باز وابن العثيمين حين تحدثو عن دماء المرأة؟
هل خالف الائمة الاربعة الشريعة حينما افردوا ابوابا للحديث عن فقه المرأة؟

جزاكم الله خيرا اخى محمد على نصيحتك وجعلها فى ميزان حسناتك

فى امان الله

[black-devil]

بسم الله الرحمن الرحيم

اخوانى واخواتى الاعزاء :
احب ان اعبر لكم عن رايى فى ذلك الموضوع قبل ان ابدا اريد ان اوضح انا هذا الراى جاء من منطلق اعتقاداتى الشخصيه وماتعلمته من الحياه ومافهمته فى الدين حتى الان

انى ارى ان الاخ زيزو لم يخطا فى الكلام فى ذلك الموضوع لانه قد نبهنا الى حقيقه كثيرا منها قد غفلها او تناساها وهى حجاب الموضه واذا كان عبر عن ذلك بالفاظ وعبارات قد تراها اخى "طيبه " غير مناسبه او منافيه للاخلاق ولكن الا ترى ان تلك هى لغه عصرنا وان لها معانى غير اخلاقيه ولكنها هى اللغه اللتى نفهمها فهل تستطيع ان تقول لى كلمه اخرى مرادفه للبدى او للترتر وغيرها من الكلمات الدارجه كما ان من خواص الداعى الحق ان يتقرب للناس عن طريق لغتهم حتى يفهموه ويقتربوا منه بدل ان يستخدم لغه جافه غير مفهومه لشباب وفتيات العصر ينفروا منها
مثلما يفعل الكثير من الدعاه والنتيجه تكون كلام فى الهواء
كما اننا لن نستطيع ان نحكم على انسان من خلال كلامه فقط فنحن لانعرف نيته عندما كتبها ولا نعرف مادفعه لكتابتها

وبالنسبه لنقطه مشرفات فتيات ان هذه النقطه لا تفرق كثيرا فان الارشاد الى الطرق الصحيح ليس فيه فرق بين داعى رجل او داعيه فتاه كما انه لم يخدش الحياء ولم يستخدم كلمات جارحه اذن فاين الاعتراض وان الموضوع مفيد

[بوو]

السلام عليكم ورحمة الله وبركاته
انا حبا بس انى اعلق على حاجه صغير بعد أذنكم
الاستاذ اللى علق على الموضوع عايزة ااقوله انه مش واخد باله من حاجه مهمة جدا
وهى اننا هنا بنتعمل مع بعض كأخوه وأخوات ومفيش بينا غير كل احترام واعتقد ان زيزو لو كان شاف اخته لبسه الزى ده كان قال اكتر من كده الف مره
انا مش بنحز لاحد عن حد . ولا علشان هو مشرف ولا الكلام ده خالص
يعلم ربى انى بقول كلمه وانا مقتناعه مليون فى المليون ان الله بيحسب الانسان على كل كلمة بيقولها او بيكتبها
ثم ياريت بس عايزة اعرف حاجه يعنى حضرتك زعلت اوى من الكلام اللى قاله الاخ زيزو ومش محروق من شكل البنات المحجبات اللى فى الشارع؟ هو الراجل جاب حاجه من عنده؟ مش بيوصف حقيقة موجودة؟
فين الحجاب الشرعى اللى رسولنا وصانا عليه ؟ فين حياء البنات ؟ فين احترامنا لديننا ؟
وبعدين حضرتك بتحسبه على ايه؟ ياريت حضرتك تروح للبنات تلبسهم كلهم الحجاب الشرعى وبعدين ابقى تعالى قوله انت كداااااب فى اللى بتقوله وبتوصفه
انا اسفة يا جماعه على كلامى بس انا فعلا بضيق من الوضع ده . كلنا كده نسينا عيوب نفسنا وعايزين نصلح عيوب الناس . مع انى برضو ارجع واقول مش شايفه اى عيب او غلط فى الموضوع ومعه وموافقه ومشتركه فيه وفى الف موضوع زيه . ولاى حد يقول للبنت البسى حجابك صح زى ما قال ربنا
وشكرا ليكم جميعا

[اميرة الغنايمة]

بسم الله والحمدلله والصلاة والسلام على رسول الله

سيد الخلق وامام المتقين وافضل من دعا الى الله بلسان قويم
ارسله ربه للثقلين الجن والانس رجالا ونساءا

لن اتحدث عن الناحية الشرعية اخى فى الله فقد افرد اخى معتز فى الكلام عنها

ولكن اتحدث من منطلق عقلى دينى عسى ان نصل الى حل ان شاء الله

تتحدث اخى عن الالفاظ التى يذكرها اخى معتز ... هل يوجد اسماء اخرى للبادى؟ هل اسم هذا الشيء يخدش الحياء ؟ هل الكلام عن ملابس النساء حرام؟ ام ان الكلام عن النساء بشهوة هو الحرام؟ هل رؤية ملابس النساء معروضة فى المحلات حرام؟

هل اخطأ علماء مثل بن باز وابن العثيمين حين تحدثو عن دماء المرأة؟
هل خالف الائمة الاربعة الشريعة حينما افردوا ابوابا للحديث عن فقه المرأة؟

جزاكم الله خيرا اخى محمد على نصيحتك وجعلها فى ميزان حسناتك

فى امان الله
السلام عليكم ورحمة الله
انا بجد كنت هاقول نفس اللى قاله اخويا نور
بس انا برضو احب اعلق وانتوا عارفين دوشتى
الاول اشكر الاخ طيبه الطيبه على تعليقه
انا كنت عاوزه اقول حاجه دلوقتى مابقاش فيه فرق بين راجل وست فى مسالة الدعوه وبعدين الموضوع اللى معتز اتكلم فيه كان سطحى يعنى مش مساله تخدش الحياء او تخص المراه جدا عشان يتركها للاخواتنا الفضليات انها تتكلم فيها لكن هوه من منطلق غيرته على اخواته زى ماحضرتك غيرت على الدين وعلى اخواتك البنات كده
انا كمان رديت فى الموضوع عشان عجبنى اما من ناحية الاسلوب من وجهة نظرى ان زيزو كلمهم بالاسلوب اللى يفهموه لان البادى وغيرها من المسميات هما اللى سموها مش هوه اللى مخترعها واذا كانت تخدش الحياء فدا فى حد ذاته يزيد موقفهم حرج اما الاسماء بس تخدش الحيا ء امال اللبس يبقى ايه ماعلينا مش ده موضوعنا انا صحيح ضد الالفاظ الى بتخدش الحياء واللى ممكن تحرج اللى يقراها لكن احنا يا جماعه زعلانين من ايه هما اسموها بتلك المسميات
يعنى هوه بالعقل كده كان فيه ايام حضرت النبى صلى الله عليه وسلم بادى ولا غيره متهيقلى لو
النبى كان عايش الايام دى كان نصح باكتر من كده واتكلم اكتر من زيزو وممكن كمان كان يقول انا برىء منهم انا عاوزه كمان اوضح اننا لما بنتكلم بللغه العربيه الفصحى وبنعمل تكليف فى الموضوع زى مامعظم الناس الكويسين هنا بيعملوا بنلاحظ حاجتين من القراء يا اما يهملوا الموضوع ومايكملوش قرايته ياما يرد رد بعيد عن الموضوع يدل انهم مش فاهمينه اصلا
انا مش عاوزه حد يزعل منى يا جماعه بس انا كمان قبل المنتدى مايحصله اللى حصل كنت احب ابعد بمواضيعى عن التكليف عشان تتقرا وممكن يكون زيزو حب يقرب منهم عشان يفهموا قصده ويحاولوا يغيروا من انفسهم
انا معاكم تانى لان الرد طول قوى وشكل مافيش حد هايقراه لو حد عاوز يعلق انا موجوده بس عشان اترك فرصه للاعضاء يردوا واشكرك مره تانيه يا اخ طيبه على تعليقكك وغيرتك واهتمامك وترشيحك ليه ودا شرف انا اتمناه واى بنت تتمنى انها تحظى بيه وربنا يجعلنا واياكم للمتقين اماما ويرزقنا واياكم العفو والعافيه
فى امان الله
اختكم الفقيره الى رب العزه
اميرة الغنايمة

[hobi]

جزاكم الله خيرا كثيرا
انا شايفه اول حاجه ان طرح الموضوع ده خير لينا كلنا واكيد كل واحد فينا استفاد معلومه جديده
اما بالنسبه للموضوع الى كان الاخ زيزو عامله ده موضوع عادى جدا وانا فعلا شايفه ان اى داعيه لازم يتكلم مع الناس بلغه يكونو فاهمينها لان ممكن مثلا حد يتكلم كلام عام (البنت لازم تلبس ملابس فضفاضه واسعه .............) تروح البنات لابسين مثلا بنطلون ويقولك اصله فضفاض وجاكت مفتوح وتقولك اصله طويل مثلا يعنى
انا بقول انه بكده بيحدد اللبس الى مينفعش يتلبس عشان ميكنش ليهم حجه يوم القيامه
اما بانسبه ان راجل او بنت الى تكتب الوضوعده شئ عادى لان كل شيوخنا الى بنحبهم بيكلمونا فى كل شئ على التليفزيون وفى الدروس ( الشيخ محود المصرى والشيخ محمد حسين يعقوب والشيخ مسعد انور وكل الشيوخ ومع كل ده انا متأكده ان طيبه الطيبه مكنش يقصد الا الخير

[نور العسولة]

:43:بسم الله الرحمن الرحيم:43:

[Link nur für registrierte Benutzer sichtbar]



ابدأ كلامى بذكر الله والصلاة على نبينا محمد الحبيب المصطفى اما بعد:

انا بعد ما قريت الموضوع وقريت التعليق
افتكرت حديث الرسول (ص)
اذا رأى احدكم منكرا فليغيره بيده فان لم يكن بيده فبلسانه وان لم يكن بلسانه فبقلبه وذلك اضعف الايمان
[Link nur für registrierte Benutzer sichtbar]

انا شايفة دلوقت ان كل اللى الاخ معتز عمله
هو نفس الحديث تمام
هو شاب زى اى شاب
شاف منكر فى مجتمعه
فمقدرش يروح لكل بنت فى الشارع ويقول لها
ايه اللى انتى لبساه ده
ده لبسك ده يخالف الشريعة الاسلامية
طبعا كل بنت له اهل
وهما المسؤلين عنها وعن تربيتها:145:
فكل اللى الاخ معتز عمله
هو انه اتبع الحديث مش اكتر ولا اقل
مقدرش يغير المنكر بيده
لانه ملوش حكم على اى فتاة لا يعرفها ومقدرش يغير المنكر بلسانه
لانه مش معقول هيروح ينصح كل بنت لابسه ضيق
فحاول انه يغير المنكر بقلمه او قلبه
حاول يقول اللى هو شايفة فى كلامه
حاول يقول الصراحة والحق
وينصح البنات دى
وبكده هو اتبع الحديث فعلا
[Link nur für registrierte Benutzer sichtbar]

تيجى بقى الاخت طيبة تقول
لا عيب كلام زيزو
مع احترامى ليكى يا اختى طيبة
عاوزة اقولك حاجة
انتى اتهمتى اخوكى معتز بانه بيقول حاجات الولد
المفروض ميقولهاش ؟؟؟؟؟
يا اختى ليس فى العلم حرج
ومادام اخوكى معتز لم يذكر احد باسمه
ولم يجرح مشاعر اى فتاة بعينها
يبقى هو مش غلطان
ولكنه فقط ارسل دعوة من اجل الصلاح
تعب نفسه وكتب موضوع عشان يمكن
اى بنت تقرى الموضوع تستفاد منه وربنا يهديها
وياخد ثوابها واجرها
[Link nur für registrierte Benutzer sichtbar]

بغض النظر عن اللى كاتب الموضوع بنت او ولد
طيب يا ترى انتى لما تروحى تشترى فستان
بتقولى لا انا مش هشترى الفستان ده
عشان واحد خياط هو اللى مفصله؟؟
هتقولى لا عيب البس فستان واحد مفصله
ياريت تجاوبى على سؤالى
[Link nur für registrierte Benutzer sichtbar]

بس بجد يعنى لا تعليق!!!

واحب اقولك ان زيزو الحمد لله
مشرف لقاءات فى حب الله من زمان
يعنى المنتدى انهد واتبنى من تانى
وزيزو لسه فى مكانه الاولانى!!!
[Link nur für registrierte Benutzer sichtbar]

مع العلم انى لا اعرفك يا اختى طيبة شخصيا
ولا اعرف الاخ زيزو شخصيا
ولكنى قولت كلمة الحق مش اكتر
[Link nur für registrierte Benutzer sichtbar]

:156616:لكم تحياتى واحترامى:156616:

[ZIZO]

الف شكر يا مرعبين
على ردودكم الصريحه
ومناقشاتكم الجيده
بس يا اخت نور العسوله
طيبه ده ولد اسمه محمد مش بنت
وشكرا