كيفية انشاء موقع بدموين .com او .net ومش مجانى موقع موقع

[abdallah_oun]

السلام عليكم ورحمة الله وبركاته
كيفية انشاء موقع بدموين .com او .net ومش مجانى موقع موقع :77:
كل اللى عاوز اعرفه
التكلفه بتكون كام
طريقة الدفع
ومميزات الموقع اللى بيقدمها
مع العلم انه موقع مش منتدى موقع بتاع شركات والذى منه
يكون الموقع بيدعم العربى
يعنى مثلا الزائر يقلب اللغه حسب ما يحب
عربى او انجليزى ولو فى لغات اكتر مش هيضر

بس كده
:tut:

متنساش لو ينفع الكلام ده فى الكويت


وبس وجزاكم الله كل خيرا

فى امان الله

[Tariq Elmasry]

وعليكم السلام ورحمة الله وبركاته


ازيك يا عبدالله باشا بص يا سيدي

الموضوع ده ممكن يتحقق بـكثر من طريقه واكثر من شكل

مثلآ انت ممكن تعمل موقعك عادي من تصميم وتجهيز وكل حاجه

وبعد كده تروح لاي موقع او شركة استضافه

وتؤجر منهم استضافه وتدفه سنويآ او شهريآ مثلا

وهنا انت بتحدد نوع الدومين بتاعك هل هو كوم او نت او خلافه

في مواقع بتقدم خدمة تصميم مواقع ومنتديات جاهزه زي freewebs الي انت عارفها

بعد ما تصمم موقعك بيكون الدومين بتاعه موجود فيه اسمهم

لو عايز تشيل اسمهم ويبقى اسم موقعك بس abdallah.com مثلا بتشترك معاهك وتدفع بردو

ايجار شهري او سنوي حسب والتكلفه موجوده عندك في الخيارات بتاعة الموقع وممكن اجيبهالك

في بردو طريقه انك ممكن تؤجر مساحه على سرفر اي شركه وده مقابل عائد مالي بردو

وبعد كده ترفع موقعك على المساحه دي

بس بقى بالنسبه للاسعار فأخوك عمره ما عمل حاجه من الحاجات اللي قلتهالك دي عشان كده معرفش اي اسعار

بس الطريقه الافضل من وجهة نظري هي الطريقه التالته لانها امنه جدآ ومضمونه وربنا يوفقك

في رعاية الله

[Tariq Elmasry]

صحيح انت مقلتش اذا كان الموقع مصمم اصلا ولا لسه

عمومآ الحاجات السابقه تنفذ في حالة ان الموقع مصمم اصلا وجاهز

لكن لو انت عايز التصميم والبرمجه من عندهم يبقى هتستخدم احدي الطرق التاليه

اولا تستخدم المواقع المجانيه زي freewebs بردو واللي هتخليك تصمم موقعك على ذوقك من غير تعب

وبعد كده تعمل عندهم استضافه مدفوعة الاجر زي ما وضحتلك

الطريقه التانيه انك تروح لاي شركة تصميم مواقع ودي هتلاقيها بردو في الكويت ووممكن تبحث عنهم في الانترنت

وهتقدم لهم مواصفات الموقع اللي انت عايو ( اطلب واتمنى ) وهما هينفذوه وبعد كده ممكن تعمل استضافه عندهم بردو

او تؤجر مساحه زي ما وضحتلك فوق وتعمل نفس الحكايه تاني


المعلومات دي انا استنتجتها من نفسي لاني مجربتش قبل كده بس ان شاء الله صحيحه

ولو في اي استفسارات تانيه انا تحت امرك

[abdallah_oun]

الاول جزاك الله كل خيرا على الافاده الجامده ديه
وانا اصلا لسه مصممتش الموقع بس طبعا مش هعملو انا لان ديه حاجه بتاعت شركه وكده فاكيد هطلب حاجه جاهزه
عشان تكون على مستوى
وهدور انا على الانترنت على مواقع التصميم والاستضافه اللى فى الكويت
وربنا يسهل
وشكرا على توضيح الامور
وربنا معاك فى الانتحارات قصدى الامتحانات دعيتلك اهو ادعيلى بقى:0097:
ربنا معانا جميعا

فى امان الله

[Tariq Elmasry]

والله يا عبدالله من غير متقول انا بدعي

ومش بدعيلك بس انا بدعي لكل المسلمين بالنجاح

لاننا بجد محتاجين النجاح جدآ خاصة في الظروف دي

[abdallah_oun]

والله يا عبدالله من غير متقول انا بدعي

ومش بدعيلك بس انا بدعي لكل المسلمين بالنجاح

لاننا بجد محتاجين النجاح جدآ خاصة في الظروف دي


ربنا يخليك وعندك احنا فى الوقت ده بالذات محتاجين النجاح ربنا معانا

[الحب الاول]

ممكن لو عايز إستعمل [Link nur für registrierte Benutzer sichtbar] ([Link nur für registrierte Benutzer sichtbar]) ولكن ده بيعمل منتديات بس

[احـــمـــد]

بص يا عبدالله يا باشا
هو زى ما قال طبعا طارق المصرى انت لازم الاول تصمم الموقع وبعد كدا ترفعه على شركة الاستضافة
بالنسبة لاسعار الاستضافة انا شايف انى احسن اسعار سنويا
100 ميجا >>> 85
200 ميجا >>> 150
1 جيجا >>> 250
واللى اعلى من كدا انا معرفش بقى بس هم دول اللى انا اشتغلت بيهم
وطريقة الدفع طبعا بتكون عن طريق اى شركة تحويل اموال
وطبعا الدومين هدية مع الاستضافة
ولو عايز ابعتلى رسالة خاصة وان شاء الله ابعتلك موقع الشركة وايميل صاحب الشركة كمان

اما لعمل الموقع نفسه دى المفروض انت اللى بتعملها وعموما فى شركات برضه بتعملهالك بس معرفش والله تكفلتها كام
اتمنى انى اكون افدتك
فى حفظ الله يا جميــــــــــل

[abdallah_oun]

ممكن لو عايز إستعمل [Link nur für registrierte Benutzer sichtbar] ([Link nur für registrierte Benutzer sichtbar]) ولكن ده بيعمل منتديات بس

اها بس ده مجانى
على العموم شكرا على مرورك

فى امان الله

[abdallah_oun]

بص يا عبدالله يا باشا
هو زى ما قال طبعا طارق المصرى انت لازم الاول تصمم الموقع وبعد كدا ترفعه على شركة الاستضافة
بالنسبة لاسعار الاستضافة انا شايف انى احسن اسعار سنويا
100 ميجا >>> 85
200 ميجا >>> 150
1 جيجا >>> 250
واللى اعلى من كدا انا معرفش بقى بس هم دول اللى انا اشتغلت بيهم
وطريقة الدفع طبعا بتكون عن طريق اى شركة تحويل اموال
وطبعا الدومين هدية مع الاستضافة
ولو عايز ابعتلى رسالة خاصة وان شاء الله ابعتلك موقع الشركة وايميل صاحب الشركة كمان

اما لعمل الموقع نفسه دى المفروض انت اللى بتعملها وعموما فى شركات برضه بتعملهالك بس معرفش والله تكفلتها كام
اتمنى انى اكون افدتك
فى حفظ الله يا جميــــــــــل


شكرا ياباشا على الافاده الكبيره ديه وان شاء الله هبعتلك رساله خاصه عشان تدينى تفاصيل اكتر والاسعار اللى بتقول عليها ديه فين بالظبط

وهو الواحد بيدور فى المواقع اهو بس المشكله انى خبرتى فى المواقع قليله شغلى تقريبا مع المنتديات وكده
يلا اهو الواحد بيتعلم
شكرا مره مليون

ولنا لقاء
فى امان الله