اخرم خرم وكبرة ............والسور هدة واوعي تعبرة

[star in a dark sky]

السلام عليكم ورحمة الله وبركاتة

ازيكم يا احلي مرعبين بجد انا مبسووووووطة جدااااااااااا اني قاعدة دلوقتي وبكتب موضوع علي احلي منتدي في الدنيا بجد الواحد كانت ضايعة منة حاجة كبيرة اوي الايام اللي فاتت
من غير ما اطول عليكم الموضوع اللي هتقروة دلوقتي دة كان من اوائل مواضيعي في المنتدي وانا عن نفسي بحبة اوي الموضوع دة لأنة بيفكرني بأيام جميلة كانت اول ايام لية في المنتدي وانا اضفت سؤال عايزاكم كلكم بعد اذنكم يعني تجاوبوا علية علشان اللي قرا الموضوع قبل كدة ميحسش بالزهق ولأني عايزة اشوف ردودكم الجميلة من تاني عشان كدة اضفت السؤال دة ونفسي تجاوبوا علية

اخرم خرم جوة الحيطة
هتسمع دوشة هتسمع زيطة
ادخل فيها واوعي تخاف
واحلم حلم جميل شفاف
موت نفسك علشان توصل
واوعي تعيش من غير اهداف

يلا اخرم خرم صغيور
يمكن تسمع صوت عصفور
صوت بيدندن وبيندة لك
يلا بسرعة شاركة غناة
وانسي معاة دمعك والاة
واسرح بخيالك وياة
وسط بحور
سامع صوتها
دي الموجة اللي هتاخدك فوقها
لف العالم يلا ودور
بس ارجع في الاخر عشك
اللي ما عمرك يوم تنساة


كبر يلا الخرم كمان
يمكن تسمع صوت الحان
عود وقانون وجيتار وكمان
وغنا بيملا كل مكان
حاسس ان في قلبك شوق
وعلي شفايفك احلي كلام
قول واتكلم مكسوف لية
حبك اللي بيملا القلب
مش يمكن اكون انا حاسس بية


وجنب الخرم دة خرم كمان
تسمع منة صوت الاذان
قوم اتوضي وصلي جماعة
اركع واسجد للرحمن
وادعية يهديك للخير دايما
وينور قلبك بالايمان


كبر يلا الخرم شوية
يمكن يدخل عشرة ومية
ويشاركوك فرحك ودموعك
ويهون ويا وجودهم جنبك
ليل الوحدة عليك وعلية
يلا اختار من بينهم حد
يبقي صديق العمر بجد
يعرف عنك اكتر منك
ويكبر بينكم عشرة وود


بقولك اية
اكسر يلا الحيطة دي خالص
اصل الموضوع بأة مش ناقص
كتمة وخنقة وقلة حيلة
والسور دة عامل كدة لية
يلا هنهدمة ونعدية
هيحصل اية
هتجرب وتشوف وتشارك
يمكن تنجح يمكن تفشل
ويمكن مرة الحلم يعاند
يمكن تاخدك فرحة معاها
وترجع ودموعك في عينيك
بس ساعتها هتبدأ تفهم معني الدنيا من حواليك
عمرك ما في يوم تفرح فيها
الاوبعدها هتبكيك
عرفت اللي فيها خلاص
لازم هتعيش ويا الضحكة وويا الدمعة ووسط الناس
وهيا دي الحياة
عايزة كل حد فيكم يقولي هية اية الحياة من وجهة نظرة في كلمات قليلة

[Tariq Elmasry]

ما شاء الله والله موضوع رائع جدآ وتستاهلي كل شكر وتقدير عليه

الحياه يختلف معناها من شخص لاخر ولكنها بشكل عام مرحله او رحله ندخلها عند ولادتنا ونخرج منها عند موتنا المطلوب منا فيها هو ان نعبد الله ونطيع اوامره ونتعايش مع الناس ,,, وبهذا سوف نجمع اكبر عدد من الحسنات لنفوز في رحلتنا ونستريح بعد ذلك في جنان الله.

[منى محمود]

الحياة هى اختبار

لازم نعيشه بكل فرحة وبكل مأسيه

لو يوم وقعنا والدنيا جننتنا


نقوم تانى واية يعنى


ماهو اخر ظلمة نور


واحنا هدفنا نوصل للنور


علشان نححق طموح جوانا

عايش ويانا وفى كل لحظة معانا

من واحنا صغيرين بنحلم نهد الحيطة

علشان يدخل منها امل يملىء حياتنا

ونقدر بيه نكمل طرقنا

لازم تعشها صح

علشان تنجح صح


معلش ياسمسمة خرفت شوية ههههههههههه هو مش شوية ده اوى

شكرا ليكى على التوبك الجميل وياريت تخريفى يكون فيه اجابه على سوالك

[braveheart]

- شكرا على الموضوع الجميل ده بجد جميل و هايل

أحب أعيش ولو في الغابات


أصحي كما ولدتني أمي و ابات


طائر .. حوان.. حشرة .. بشر ..بس أعيش


محلا الحياة.. حتي في هيئة نبات

وعجبى .........

الله يرحمك يا عم جاهين ......:0034:

[star in a dark sky]

ما شاء الله والله موضوع رائع جدآ وتستاهلي كل شكر وتقدير عليه


الحياه يختلف معناها من شخص لاخر ولكنها بشكل عام مرحله او رحله ندخلها عند ولادتنا ونخرج منها عند موتنا المطلوب منا فيها هو ان نعبد الله ونطيع اوامره ونتعايش مع الناس ,,, وبهذا سوف نجمع اكبر عدد من الحسنات لنفوز في رحلتنا ونستريح بعد ذلك في جنان الله.



شكرا طارق علي مرورك وردك الكريم
قال تعالي " وما خلقت الجن والانس الا ليعبدون"
معني الاية ان ربنا سبحانة وتعالي خلقنا لعبادتة والعبادة مش معناها بس اداء الفروض ولكن تشمل ايضا التعامل مع الاخرين زي ما انت قولت لأن الانسان اللي بيتعامل بطريقة حسنة مع الاخرين وبيكون ذو خلق فهو كدة بردو بيعبد ربنا والانسان اللي بيعمل بجد ويتقن عملة فهو بردو بيعبد ربنا لأن العمل عبادة . وربنا يوفقنا دايما نكون من عبيدة الخاشغين المنفذين لاوامر الله والمجتنبين لنواهية

وشكرا ليك مرة تانية

[star in a dark sky]

الحياة هى اختبار


لازم نعيشه بكل فرحة وبكل مأسيه

لو يوم وقعنا والدنيا جننتنا


نقوم تانى واية يعنى


ماهو اخر ظلمة نور


واحنا هدفنا نوصل للنور


علشان نححق طموح جوانا

عايش ويانا وفى كل لحظة معانا

من واحنا صغيرين بنحلم نهد الحيطة

علشان يدخل منها امل يملىء حياتنا

ونقدر بيه نكمل طرقنا

لازم تعشها صح

علشان تنجح صح


معلش ياسمسمة خرفت شوية ههههههههههه هو مش شوية ده اوى


شكرا ليكى على التوبك الجميل وياريت تخريفى يكون فيه اجابه على سوالك





ولا تخريف ولا حاجة يا قمر دة انتي منورة الموضوع والله وكلامك كلة صح
انتي اثرتي فعلا نقطة مهمة لما قولتي اننا لما نقع لازم نقوم لاننا شايفين شعاع من نور من بعيد وعايزين نوصلة التشبية دة جميل جدا لاننا فعلا لو حطينا قدام عيننا هدف يبقي هوة دة شعاع النور اللي لو وصلنالة حياتة هتبقي احلي وهيبقي ليها طعم تاني دة بجد هيخلينا نسعي جامد اننا اولا نحط ادام عيننا الهدف وبعدين نبذل كل جهدنا علشان نحقق الهدف دة
وشكرا يا قمر علي ردك اللي زي السكر:0032:

[star in a dark sky]

- شكرا على الموضوع الجميل ده بجد جميل و هايل


أحب أعيش ولو في الغابات


أصحي كما ولدتني أمي و ابات


طائر .. حوان.. حشرة .. بشر ..بس أعيش


محلا الحياة.. حتي في هيئة نبات

وعجبى .........

الله يرحمك يا عم جاهين ......:0034:




شكرا بريف هارت علي ردك الجميل
وفعلا ما احلي كلام صلاح جاهين
بشكرك ع الكلمات الجميلة دي اللي بتعبر عن ضرورة ان الواحد يعيش حياتة ببساطة من غير تعقيد

[i . k . i]

انا الحياه بالنسبة لى
امتحان
والواحد بيفضل يذاكر هههههه طول عمره
* * * * *
او فى تصور ان الحياه امراءة عجوزة , هذه العجوزة غادرة , فأذا ابتسمت لك لابد ان تخشاها
* * * * *
وشكرا على الكلام الرائع اللى انتى كاتباه ده

[Pop فيلم رعب]

طبعاً رووووعة وأكيد انا بالذات فاكرها لما رديت عليها وكتبت جزء تالت ورابع

والناس سمتها نلحمة الخرم لو فاكره

حلوة بجد وكلها امل تسلم الأيادي

[star in a dark sky]

انا الحياه بالنسبة لى
امتحان
والواحد بيفضل يذاكر هههههه طول عمره
* * * * *
او فى تصور ان الحياه امراءة عجوزة , هذه العجوزة غادرة , فأذا ابتسمت لك لابد ان تخشاها
* * * * *
وشكرا على الكلام الرائع اللى انتى كاتباه ده

شكرا لمرورك وردك
فعلا الحياة امتحان صعب بس يا رب ننجح فية في النهاية
وعلي فكرة جميل اوي التشبية اللي انت شبهت بية الحياة دة وحقيقي فعلا لان الحياة دائما متقلبة
وشكرا ليك مرة تانية

[star in a dark sky]

طبعاً رووووعة وأكيد انا بالذات فاكرها لما رديت عليها وكتبت جزء تالت ورابع

والناس سمتها نلحمة الخرم لو فاكره

حلوة بجد وكلها امل تسلم الأيادي

طبعا فاكرة ويا ريت لو لسة عندك نسخة من الاجزاء دي تنزلها تاني في المنتدي عشان بجد كانت جميلة ومليانة تفاؤل
وشكرا لردك ومرورك

[No Love No Cry]

الحياة هى اللغز الصعب

الحياة هى الحاجة اللى كله فاكرها اهم حاجة وهى ولا حاجة

الحياة هى الشيطان الحقيقى اللى بيغرى الانسان ويبعده عن ربنا والحق والآخرة

ثانكس يا ياسمين على موضوعك الجميل

[star in a dark sky]

شكرا نيو علي مرورك وردك
وفعلا دايما الحياة بتخدعنا وتخلينا دايما نحط عيننا علي الحاجات الدنيوية وغريبة اننا عارفين انها زائلة وفانية وبالرغم من كدة بردو بنجري ورا الدنيا ومتاعها
وشكرا ليك مرة تانية

[stars_love300]

سؤال صغير...يحمل معنى كبير
يحمل فيه بحور من المعاني...وفيه كثيرة من المأسى
وباختصار............
ما هي الحياة؟؟؟؟؟
وحين خرجت...ونظرت...وحين حدقت
ذرفت السماء دموعها...لكي تسقط حبات لؤلؤ على خدي
فسالت المطر...ما هي الحياة؟
فقال...ان الحياة ارض جرداء تنتظرقطراتي شوقا ولهفة..
واذ بلحظة..حتى توقف المطر..فاطلت الشمس بنورها
فقررت ان اسال الشمس
فسالتها..ما هي الحياة؟
فقالت..ظلام ينتظرني لابدده بنوري
واذ بنسر... يحلق فوق راسي
فقلت له انتظر...
فسالته..ما هي الحياة؟
فقال لي....انها حق القوي على الضعيف
وحين رحل..وقع نظري على طيران نحلة
فسالتها...ما هي الحياة.؟
فقالت لي....ان الحياة عسل وزهرة
فمشيت ..ونظرت..فصادفت ام وطفلة
فسالت الام ...ما هي الحياة؟
فقالت لي ...انها ضحكة وبسمة ترتسم على وجه طفلي
ومشيت...
فسالت النجمة...ما هي الحياة؟
فقالت لي ..ان الحياة سماء ولوحة
وسالت القمر...فاجابني
ان الحياة ..ليل لاننيره....وعاشقين بنتظروني
وسالت الشجر ..ما هي الحياة؟
فقالت لي..ان الحياة ثمرة طيبة...وظلال ساكنة
وسالت الحجر...ما هي الحياة؟
فقال لي ان الحياة ثبات في الارض...ووقار وغضب
وسالت الانسان...فاجابني انها دمعتان...دمعة لقاء ودمعة فراق
فمشيت فرايت عاشقين
فسالت العاشق ...ما هي الحياة؟
فاجابني ..لحظة سعادة مع الحبيبة..ودفن ذكريات مريرة
واجابتني بالمقابل العاشقة..ان الحياة تضحية واخلاص وقلب حنون...وعشق مجنون
ومشيت فرايت زهرة
فسالتها ...فقالت لي..ان الحياة سحر اعلنه..وغموض ابدده ...عطر وعبق انشره
فرايت عصفور ..فسالته
فاجابني..ان الحياة فضاء وحرية
واخيرا سألت نفسى ما هى الحياة

انا ارى ان الحياة ما هى الا لعبة كل واحد منا يكون اللاعب الاساسى فيها لفتره ثم ييجلس احتياطى باقى عمره
والحياة عبارة عن باب ندخل منة ثم نخرج منة ولا نأخذ منها غير اعمالنا ورضا الله عز وجل

[star in a dark sky]

سؤال صغير...يحمل معنى كبير

يحمل فيه بحور من المعاني...وفيه كثيرة من المأسى
وباختصار............
ما هي الحياة؟؟؟؟؟
وحين خرجت...ونظرت...وحين حدقت
ذرفت السماء دموعها...لكي تسقط حبات لؤلؤ على خدي
فسالت المطر...ما هي الحياة؟
فقال...ان الحياة ارض جرداء تنتظرقطراتي شوقا ولهفة..
واذ بلحظة..حتى توقف المطر..فاطلت الشمس بنورها
فقررت ان اسال الشمس
فسالتها..ما هي الحياة؟
فقالت..ظلام ينتظرني لابدده بنوري
واذ بنسر... يحلق فوق راسي
فقلت له انتظر...
فسالته..ما هي الحياة؟
فقال لي....انها حق القوي على الضعيف
وحين رحل..وقع نظري على طيران نحلة
فسالتها...ما هي الحياة.؟
فقالت لي....ان الحياة عسل وزهرة
فمشيت ..ونظرت..فصادفت ام وطفلة
فسالت الام ...ما هي الحياة؟
فقالت لي ...انها ضحكة وبسمة ترتسم على وجه طفلي
ومشيت...
فسالت النجمة...ما هي الحياة؟
فقالت لي ..ان الحياة سماء ولوحة
وسالت القمر...فاجابني
ان الحياة ..ليل لاننيره....وعاشقين بنتظروني
وسالت الشجر ..ما هي الحياة؟
فقالت لي..ان الحياة ثمرة طيبة...وظلال ساكنة
وسالت الحجر...ما هي الحياة؟
فقال لي ان الحياة ثبات في الارض...ووقار وغضب
وسالت الانسان...فاجابني انها دمعتان...دمعة لقاء ودمعة فراق
فمشيت فرايت عاشقين
فسالت العاشق ...ما هي الحياة؟
فاجابني ..لحظة سعادة مع الحبيبة..ودفن ذكريات مريرة
واجابتني بالمقابل العاشقة..ان الحياة تضحية واخلاص وقلب حنون...وعشق مجنون
ومشيت فرايت زهرة
فسالتها ...فقالت لي..ان الحياة سحر اعلنه..وغموض ابدده ...عطر وعبق انشره
فرايت عصفور ..فسالته
فاجابني..ان الحياة فضاء وحرية
واخيرا سألت نفسى ما هى الحياة

انا ارى ان الحياة ما هى الا لعبة كل واحد منا يكون اللاعب الاساسى فيها لفتره ثم ييجلس احتياطى باقى عمره

والحياة عبارة عن باب ندخل منة ثم نخرج منة ولا نأخذ منها غير اعمالنا ورضا الله عز وجل


بجد مفيش اي كلام اقدر اقولة بعد هذة الرد الرائع والكلمات الجميلة
والتعبير الاخير فعلا تلخيص لمعني الحياة وبيوضح ان الحياة ليس لها قيمة وانها قصيرة جدا مهما طال الزمن بنا وان مايبقي هو الاعمال الصالحة
وادعو الله ان يحسن خاتمتنا جميعا
وشكرا محمد علي ردك الرائع