جرح لا يلتئم في اغلب الاحيان.....فما هو؟

[star in a dark sky]

السلام عليكم ورحمة الله وبركاتة
ازيكم يا مرعبين

جرح الكلام ؟؟؟ لا يلتأم ولكن اثره عميق جدا داخل النفس جرح مؤلم حقا

من الصعب مداواه الكلمه بعد التفوه بها ولا يمكن رجوعها مره اخرى

احيانا بنسمع كلام مش بيكون كلام لكن بيكون رصاص حاجه بتهزنا اوى من جوانا

الكلام ده منه اللى بيجرح بس بيفوق ويرجعنا لعقلنا وللواقع

ومنه اللى بيكون من غير قصد بس برده بيجرح وفى ناس بقى مش بتفكر اصلا قبل متتكلم

بتجرح وهى مش مدركه اثر الكلام ده على اللى قدامها ايه وده اسوء انواع التعاملات

بس لما بتسمع كلمه بتجرحنا اول حاجه بنفكر فيها ايه؟؟؟

بنسال نفسنا ليه الكلمه اتقالت؟؟ احنا سببها فعلا ؟؟ ولا جهل من اللى قالها؟؟

بتفكر ليه جرحتك كده ؟؟

ساعات بنتعرض لمواقف بنبقى متوقعين فيها كلام بيجرح فعلا ومستعدين وخاصه لو اخطانا فى حق حد

بس لو اتقالت وانت مش مستعد اثرها بيكون ايه؟؟؟ بتتنسى بعد فتره؟؟

بندور على اصلها واصل جرحها جوانا؟؟؟ بنداويها ؟؟ تعاملك مع اللى قالها بيتغير؟؟

بتحاذر معاه وتحاول ماتدقش على كلامه؟؟؟ ولا بتتصرف ازاى؟؟؟

لو اتجرحت فعلا من كلمه قالها حد ليك بترد ليه الجرح ولا بتكتم غضبك جواك؟؟؟

ياترى فعلا حصل معاك الموقف ده؟؟ وياترى ايه الموقف ده لو مش فيه احراج يعنى؟؟؟

حاولوا تتخيلوا او تفتكروا موقف بعينه عشان تقدروا تتخيلوا نفسكو ورد فعلكو

[BeAUty]

انتى جيتى على الجرح ياقمرايه
ويمكن انا اكتر كلمه بجد جرحتنى اوى
لما اصحابى قالولى انى طيبه لدرجه السذاجه
ودى بجد كلمه صدمتنى اكتر ما جرحتنى
لأنى اكتشفت ان الطيبه فى ايامنا دى بقت حاجه عيب
هما عايزينى ابقى ايه يعنى
قاسيه وشريره واسبق سوء النيه زى ما هما بيعملوا
لأطبعا ده عمره ما كان صح
هما متخيلين انى طيبه انى بقى سهل انه يضحك عليه
لأ طبعا دى السذاجه بعينها بس انا الحمد لله ربنا مقدرنى انى ابقى طيبه وفى نفس الوقت ما حدش يقدر يضحك عليه
شكرا ليكى ياقمرايه بجد موضوع روعه

[Tariq Elmasry]

موضوعك يا Star In a Dark Sky في قمة الجمال
اعتقد انا من النوع الكتوم يعني لو موقف من المواق دي حصلي ان مش هيبان عليا حتى حاجه بس لازم اناقش اللي اتكلم واعرف سبب كلامه فلو كان كلامه صحيح اذآ خطأه في اسلوبه ولو كان كلامه خاطئ اذآ خطآه في جهله واسلوبه

[SeNDrillA]

بصي يا ستي أكتر كلمه جرحتني ومش بنساها

لما حد قالي الدنيا مش هتمشي علي مزاجك .. كان والدي وكنا في ساعه مناقشه ووالدي أكتر حد فاهمني وأكتر حد بقدر اتناقش معاه وأكتر حد بيقنعني كلامه وتصرفاته وكل شيء
هو مش معايا دايما في كل حاجه بقولها بس الكلمه دي كانت بالنسبالي نقطه تحول
وفعلا انسحبت وفكرت في الكلمه بكل أشكالها
وللأسف أكتشفت انها جرحتني أوي .. وأصريت جدا علي موقفي لاول مره مع والدي
أي كلمه تانيه بتجرحني انها تبقي كلمه كدابه
يعني كدب
ورد فعلي ساعتها بيبقي فظيييييييييييييييع مببقاش شايفه قدامي
ممكن أخسر اللي قالها للأبد
وأكيد بفكر كتير في كل كلمه بتثير انتباهي وبحاول اعرف دوافعها وعلاقتها بيا او بالشيء الموجهه اليه ..
وشكرا كتير علي الموضوع الجميل

[star in a dark sky]

انتى جيتى على الجرح ياقمرايه
ويمكن انا اكتر كلمه بجد جرحتنى اوى
لما اصحابى قالولى انى طيبه لدرجه السذاجه
ودى بجد كلمه صدمتنى اكتر ما جرحتنى
لأنى اكتشفت ان الطيبه فى ايامنا دى بقت حاجه عيب
هما عايزينى ابقى ايه يعنى
قاسيه وشريره واسبق سوء النيه زى ما هما بيعملوا
لأطبعا ده عمره ما كان صح
هما متخيلين انى طيبه انى بقى سهل انه يضحك عليه
لأ طبعا دى السذاجه بعينها بس انا الحمد لله ربنا مقدرنى انى ابقى طيبه وفى نفس الوقت ما حدش يقدر يضحك عليه
شكرا ليكى ياقمرايه بجد موضوع روعه

شكرا لمرورك وردك يا قمر
انتي فعلا حكيتيلي الموضوع دة قبل كدة وانتي فعلا عندك حق لأن المفروض ميكونش من الغريب ان الانسان يكون طيب وبيحب اللي حوالية وصادق في مشاعرة ناحيتهم وان يكون الغريب هوة ان الناس تتهم الانسان دة بالسذاجة لانة بيتعامل بطبيعتة وبيكون علي سجيتة الشفافة النقية وانتي طبعا يا قمر قلبك دة ذهب واطيب منة مفيش
وتسلمي علي ردك الغالي يا قمر

[star in a dark sky]

موضوعك يا Star In a Dark Sky في قمة الجمال
اعتقد انا من النوع الكتوم يعني لو موقف من المواق دي حصلي ان مش هيبان عليا حتى حاجه بس لازم اناقش اللي اتكلم واعرف سبب كلامه فلو كان كلامه صحيح اذآ خطأه في اسلوبه ولو كان كلامه خاطئ اذآ خطآه في جهله واسلوبه

شكرا طارق علي مرورك وردك
وانت طبعا عندك حق في الكلام اللي انت بتقولة وهوة ان الانسان لو حد قالة كلمة ضايقتة لازم يستفسر منة عن السبب اللي دفعة انة يقول حاجة زي كدة في حقة بس بردو حتي لو كان قايل الكلمة دي بجهالة ومن غير ما يقصد الواحد بيتضايق ومعتقدش انة بينسي الاساءة دي بسهولة

[star in a dark sky]

بصي يا ستي أكتر كلمه جرحتني ومش بنساها

لما حد قالي الدنيا مش هتمشي علي مزاجك .. كان والدي وكنا في ساعه مناقشه ووالدي أكتر حد فاهمني وأكتر حد بقدر اتناقش معاه وأكتر حد بيقنعني كلامه وتصرفاته وكل شيء
هو مش معايا دايما في كل حاجه بقولها بس الكلمه دي كانت بالنسبالي نقطه تحول
وفعلا انسحبت وفكرت في الكلمه بكل أشكالها
وللأسف أكتشفت انها جرحتني أوي .. وأصريت جدا علي موقفي لاول مره مع والدي
أي كلمه تانيه بتجرحني انها تبقي كلمه كدابه
يعني كدب
ورد فعلي ساعتها بيبقي فظيييييييييييييييع مببقاش شايفه قدامي
ممكن أخسر اللي قالها للأبد
وأكيد بفكر كتير في كل كلمه بتثير انتباهي وبحاول اعرف دوافعها وعلاقتها بيا او بالشيء الموجهه اليه ..
وشكرا كتير علي الموضوع الجميل

شكرا سندريلا علي مرورك وردك الجميل
اولا انا بحييكي وبحيي والدك ان فية حوار قائم دائما بينكم ودي حاجة بجد احنا مفتقدينها قوي دلوقتي
ثانيا انا كان قصدي ان الانسان لا ينسي الاهانة لكن ان حد يعترض علي رايي ونتناقش في الاراء فدة مقبول لأن الانسان منا مش دايما صح ومينفعش انة يفضل دايما مصر علي رأية في كل امور الحياة للنهاية لانة احيانا ممكن يكتشف ان رأية غلط وانة لازم يستمع لوجهة نظر الاخرين وان لم يأخذ بها فعلي الاقل هيستفيد من رؤيتهم لهذا الامر وخاصة اذا كانوا عندهم خبرة في الحياة
وشكرا ليكي يا قمراية علي ردك الغالي

[online]

بجد موضوع رائع منك ياستار دارك
وبجد فعلا ساعات الكلام بيكون اشد من الرصاص بالنسبة للانسان
ونا زى بيوتى برضه اكتر كلمة جرحتنى ان ناس قالتلى انك طسب لدرجة السذاجة مع ان الطيبة فى الانسانا هيا الاصل
والله يرحم ايام زمان
شكرا ليكى على التوبك الرائع

[star in a dark sky]

شكرا ليك online علي مرورك وردك
وغريبة اوي ان الناس بجد دلوقتي اصبحت تنظر للطيبة علي انها سذاجة
يمكن لأن مبقاش حد بيصدق دلوقتي اوي ان لسة فية ناس بتتعامل بحسن نية وبتبقي علي فطرتها النقية في التعامل مع الاخرين
وشكرا ليك مرة تانية

[To0o0ta]

موضوع جميل يا ستار و فعلا اوقات الكلام بيجرح اكتر من اي تصرف وممكن كمان اللي يتكلم مايتوقعش ان كلامه دا بيجرح اللي قدامه

لو حد قال كلام انا مكنتش متوقعه اكيد مش هنساه بسهولة وممكن مش انساه ابدا لانه بيبقى اثر في الانسان ان الكلام دا صدر من حد معين مش منتظر منه الكلام دا في الوقت دا وبتبقى فعلا صعبة اوي
صحيح بدور على اصل الكلام وانا استحقه بنسبة ايه بس ف نفس الوقت تعاملي مع اللي قدامي بيتغير ولو لفترة حتى عشان اقدر ارجع معاه زي الاول

بالنسبة بقى ليكي يا بيوتي مش المقصود يابيبي السذاجة بعينها انما الفكرة انك مش بتتوقعي الموقف بيوصل لايه او الكلام بيكون معناه ايه مش اكتر انما مش سذاجة بالمعنى المعروف والا كنا اعترضنا عليه

وشكرا ليكي يا ستار على الموضوع الجميل دا وفي انتظار جديدك

[happyfeet]

بجد موضوع تحفه يا ستار:0095:
تسلم ايدك يا رب:0022:
بصي يا ستي ..هي بتقبى حاجه وحشه اوىىىىىىىىى
خصوصا لو الكلمة دي اتقالت من اقرب حد ليكي
ممكن يكون مش قصده ..بس ........مدب مثلا
بس بيكون ليها تأثير جامد جدا
يعني مثلا اعرف واحده كانت بتحب حد جداااااااااااااااا سنة وشويه
وفجأة لاقيته بيقولها (انا مبحبكيش)...!!!:0010:
تخيلي كده لما تقعد كل ده نفسها تسمع منه كلمة(بحبك) وفجأة تلاقي هي دي الكلمه اللي بتتقالها...!!!!!:0015:
طبعا مكنتش عارفه هي كانت(عبيطة):0126:
في كونها مش عارفه تفرق ان كان ده بيحبها
ولا لأ:0005:
ولا مش هو ده الانسان المناسب ليها اللي مقدرش حبها فعلا....!!:(:0004:

هي الحمد لله دلوقتي رجعلها تاني(بس بعد ما ربته)هههههههههه
والحمد لله هي اسعد واحده في الدنيا....:0034::0055:
وهو بيحبها جداااااااااااااااااااااااااااااااااااااااااااااا
بس كان جرح....مالوش زي ..:0011:
لحد دلوقتي هي بتحس بالجرح ده ....كتير يعني

انا عارفه اني صدعتك
ههههههههههههههههه
معلش حقك عليا
بس بجد بحييكي على موضوعك التحفه ده:0022::0031:

[star in a dark sky]

موضوع جميل يا ستار و فعلا اوقات الكلام بيجرح اكتر من اي تصرف وممكن كمان اللي يتكلم مايتوقعش ان كلامه دا بيجرح اللي قدامه

لو حد قال كلام انا مكنتش متوقعه اكيد مش هنساه بسهولة وممكن مش انساه ابدا لانه بيبقى اثر في الانسان ان الكلام دا صدر من حد معين مش منتظر منه الكلام دا في الوقت دا وبتبقى فعلا صعبة اوي
صحيح بدور على اصل الكلام وانا استحقه بنسبة ايه بس ف نفس الوقت تعاملي مع اللي قدامي بيتغير ولو لفترة حتى عشان اقدر ارجع معاه زي الاول

بالنسبة بقى ليكي يا بيوتي مش المقصود يابيبي السذاجة بعينها انما الفكرة انك مش بتتوقعي الموقف بيوصل لايه او الكلام بيكون معناه ايه مش اكتر انما مش سذاجة بالمعنى المعروف والا كنا اعترضنا عليه

وشكرا ليكي يا ستار على الموضوع الجميل دا وفي انتظار جديدك

شكرا توتا علي مرورك وردك الجميل
وفعلا كتير منا لما بيحس بالاساءة او الاهانة بيلاقي نفسة غصب عنة معاملتة للانسان اللي اساء الية اتغيرت والواحد بيبقي محتاج وقت علشان قلبة يصفي من ناحية الانسان دة تاني وكمان انا شايفة ان الاهانة او الاساءة بتجرح اووووي لما تكون من حد عزيز لاننا بنكون حساسين اوي تجاة اللي بنحبهم وعمر ما بييجي في بالنا انهم ممكن يجرحونا بكلمة حتي لو مش مقصودة او لو اتقالت بالغلط
وشكرا يا قمر لمرورك وردك

[star in a dark sky]

بجد موضوع تحفه يا ستار:0095:

تسلم ايدك يا رب:0022:
بصي يا ستي ..هي بتقبى حاجه وحشه اوىىىىىىىىى
خصوصا لو الكلمة دي اتقالت من اقرب حد ليكي
ممكن يكون مش قصده ..بس ........مدب مثلا
بس بيكون ليها تأثير جامد جدا
يعني مثلا اعرف واحده كانت بتحب حد جداااااااااااااااا سنة وشويه
وفجأة لاقيته بيقولها (انا مبحبكيش)...!!!:0010:
تخيلي كده لما تقعد كل ده نفسها تسمع منه كلمة(بحبك) وفجأة تلاقي هي دي الكلمه اللي بتتقالها...!!!!!:0015:
طبعا مكنتش عارفه هي كانت(عبيطة):0126:
في كونها مش عارفه تفرق ان كان ده بيحبها
ولا لأ:0005:
ولا مش هو ده الانسان المناسب ليها اللي مقدرش حبها فعلا....!!:(:0004:

هي الحمد لله دلوقتي رجعلها تاني(بس بعد ما ربته)هههههههههه
والحمد لله هي اسعد واحده في الدنيا....:0034::0055:
وهو بيحبها جداااااااااااااااااااااااااااااااااااااااااااااا
بس كان جرح....مالوش زي ..:0011:
لحد دلوقتي هي بتحس بالجرح ده ....كتير يعني

انا عارفه اني صدعتك
ههههههههههههههههه
معلش حقك عليا

بس بجد بحييكي على موضوعك التحفه ده:0022::0031:



ربنا يخليكي يا قمر علي مرورك وردك اللي زي العسل
وانتي يا ستي مصدعتنيش ولا حاجة انتي نورتي الموضوع
وانا شايفة يا قمر ان الجرح لما بييجي من الناس اللي بنحبهم بيأثر فينا اوي عن لو كانت الاساءة من حد مش قريب مننا وعشان كدة انا مستغربة ازاي صاحبتك دي رجعت للانسان اللي كانت بتحبة بعد ما اساء ليها وخاصة ان الكلمة اللي قالها كلمة مش هينة ابدا

وشكرا ليكي يا قمراية علي ردك اللي نور الموضوع:0034:

[happyfeet]

ماهي يا قمر ربته الاول...احنا بنات جامده يعني
بس اللي خلاها ترجعله انها (بتتنيل )بتحبه...هههههههههههههههههه

[baskota_lyly]

بجد موضوع جميل جدا جدا جدا
واعتقد ان معظمنا مر بموقف زى ده
ولسه الموقف ده حاصلى امبارح يعنى قريب قوى
بس للاسف مش هاقدر احكى
سامحينى ياقمر
بجد بشكرك جدا على موضوعك الى اكتر من رائع

[منى محمود]

زى مابتقول امولة فى مواقف كتير اوى ممكن تجرحنا سواء كنا مستعدين او مش مستعدين برضة بنتجرح منها وبالذات لو كانت من ناس بنعزهم وبنحبهم

وانا فى مواقف كتير برضة جرحتنى واكتر حاجة بتجرحنى لما ببقى فى حد بحترمة اوى وبعاملة كويس وبساعده علطلول سواء طلب المساعدة دى او لا وهو يبقى قدامى بيعملنى كويس وهو فى الحقيقة بيحاول بكل الطرق يعمل مقلب او يحاول يوقع بينى وبين حد او يطلعنى وحشة باى طريقة

وفى حاجات كتير اوى بدايئنى بس كفاية عليكى كده

شكرا ياسمسمة على التوبيك

[star in a dark sky]

ماهي يا قمر ربته الاول...احنا بنات جامده يعني
بس اللي خلاها ترجعله انها (بتتنيل )بتحبه...هههههههههههههههههه

ههههههههههههههههه
طبعا لازم تدفعة حق ذلة اللسان دي غالي
وتسلمي علي ردك الغالي يا قمر

[star in a dark sky]

بجد موضوع جميل جدا جدا جدا
واعتقد ان معظمنا مر بموقف زى ده
ولسه الموقف ده حاصلى امبارح يعنى قريب قوى
بس للاسف مش هاقدر احكى
سامحينى ياقمر
بجد بشكرك جدا على موضوعك الى اكتر من رائع

شكرا ليكي انتي يا قمر علي مرورك وردك الغالي:0034:
ومش مهم انك تحكي بس المهم تبقي عارفة ازاي تتعاملي مع الموقف دة
وبعدين مين اللي يقدر يزعلك يا قمر:0011: والمرعبين كلهم معاكي

[star in a dark sky]

زى مابتقول امولة فى مواقف كتير اوى ممكن تجرحنا سواء كنا مستعدين او مش مستعدين برضة بنتجرح منها وبالذات لو كانت من ناس بنعزهم وبنحبهم

وانا فى مواقف كتير برضة جرحتنى واكتر حاجة بتجرحنى لما ببقى فى حد بحترمة اوى وبعاملة كويس وبساعده علطلول سواء طلب المساعدة دى او لا وهو يبقى قدامى بيعملنى كويس وهو فى الحقيقة بيحاول بكل الطرق يعمل مقلب او يحاول يوقع بينى وبين حد او يطلعنى وحشة باى طريقة

وفى حاجات كتير اوى بدايئنى بس كفاية عليكى كده

شكرا ياسمسمة على التوبيك

شكرا يا قمر علي ردك الغالي:0034:
وانا معاكي ان فعلا اكتر اساءة بتجرح اوي هية اللي بتيجي من حد عزيز علي الواحد لأنة مبيبقاش متوقع منة حاجة زي كدة وكمان لما حد الواحد يكون دايما واقف جنب حد وبيساعدة وهوة مع ذلك بيحاول يشوة صورتة قدام الاخرين يعني زي ما بيقولوا خيرا تعمل شرا تلقي بجد النوعية دي من الناس بشوف انها متستاهلش ان الواحد حتي يعاتبها ولا يكلمها ولكن يبعد عنهم من سكات لان التوقيع بين الناس وبعضها دي صفة يعني مذمومة جدا وبتخلي الناس كلها تنفر من الشخص اللي بيعمل كدة
وشكرا مرة تانية يا منمن علي ردك الجميل

[moss]

والله احيانا الجرح مش بيكون من كلمه بيكون من عمله

ههههه


مرسي على الموضوع

[البارون]

شكراstar على الموضوع الجميل دا

[mezostaregypt]

بسم الله الرحمن الرحيم
لا شك ان الكلمات الجارحة والتي تأتي بالتحديد من اشخاص لا تتوقع انفسنا وعقولنا ان تصدر منهم يكون لها قدر كبير من التاثير علينا وعلي
سولكنا وتعاملنا معهم في المستقبل
لكن يختلف ذلك التاثير من شخص لاخر
وان تحدثت بصفة شخصية
فان تلك الكلمات تؤثر بالطبع في.......قد تستمر عدة ايام ثم اتناسي كمل شئ
ولكن الاهم من ذلك هو ان اقوم بالرد علي من جرحني بتلك الكلمات
ولكن في حالة وصل النقاش والحوار لطريق عقيم لا جحدوي من التكملة نحوة
اقوم باغلاق كل شئ والانسحاب في هدوؤ
موجها من ذلك الانسحاب رسالة ضمنية هي اذا وجد نقاش هادف وسليم لايحمل الاخطاء ويمتلئ بالكلمات الجارحة
فمرحبا بذلك
اما اذا كان العكس
الافضل الا اجلب لعقلي ونفسي ومسامعي كل تلك التفاهات من تلك الكلمات
لانة كثيرا توجد اناس هوايتها جرح الاخرين بدون قليل من التفكير العقلي الذي يوضح ماجدوي عمل ذلك