حد يساعدنى لو سمحتم حالة طارئة

[tefa_pirate]

انا شاب عادى عندى 16 سنة ولسة معرفتش ولا بنت فى حياتى انا كل مشكلتى انى معنديش الجراءة اللى اتكلم بيها مع اى بنت
حتى حب عمرى بتاخد معايا درس و مبقدرش اكلمها خالص
وادينى فى اجازة وانتو طبعن عارفين النوادى
انا عايز حد يساعدنى و يقول لى على طريقة مناسبة عشان ابقى :0130:
وانا عمرى مهنساله الجميل دة

[سما فهمى]

شوف يا ابنى انت لسه صغير ع الحب، الكلام ده لما تكبر وتقدر ترتبط تبقى تدور ع الحب، مع ان مفيش حد بيدور ع الحب هو رزق بيجى لوحده.

[اجسم]

البنت اللي انت بتحبها بين لها انك راجل شهم ومحترم
ممكن تتكلم معاها كلام ربسيط ي الساعه كام , هاي مش انتي اللي بتاخدي معايا درس
لما تبقي شيفها بص في عنيها بطريقه رومانسيه

[JaN]

سما كلامك ميه ميه روح انجح الأول في الثانوية العامة وهات مجموع كويس وبعد كدة ابقى فكر في الحب اللي انتي بتحسة في السن ده ماهو الا تخاريف لما تكبر شويه هتفهم

[farasha]

اصلا انت لسه صغير ثانيا بقي حاول ماتكونش زي حد هما في النوادي حريين براحتهم انما انت خليك مختلف وخلي بالك من مذاكرتك وصلي وقرب من ربنا وابعد عن اصدقاء السوء دول لانك مش زيهم ولو حاولت تبقي زيهم هتندم
اتمني اكون افدتك وكلامي مش غلس

[tefa_pirate]

الف الف شكر على النصايح الغالية
وبالنسبة للثانوية العامة انا جبت 96ز6

[سما فهمى]

تقصد 96.6 لو كده يبقى ألف مبروك اهو ده الكلام

مش تقول حب ولعب عيال مستقبلك أهم طبعا

[حسن بوقباعة المجبرى]

حب ايه اللى انت قاى بتقول علي انت عارف ان معن الحب ايه

[حسن بوقباعة المجبرى]

والله اقولك :لو تعرف تشترى بطيخه حمراء يبقى تعرف تحب ههههههههههههه
تحياتى:المتاسفه:حسن بوقباعة المجبرى

[حسن بوقباعة المجبرى]

والله لقولك قبل ان تحب اقراء قصيدتى" اعتذار" النشوره بفعل فاعل فى الموقع

[حسن بوقباعة المجبرى]

النصائح الجديده:
1- اقضى على العزال
2- اقضى على صديقاتها لان من بينهن توجد واحده تريده لاخوها
3-اقضى على الاستاذ ان كانت جميله
4-اقضى على اصدقائك المقربون
5- لتكن الرجل الوحيد امامها
6-احضر لها بذنجان فى عيد ميلادها
7- اشحت عربيه وقابلها بها حتى ان كانت واقفه
8- البس سروال نصف كم
9- ضع كوب عسل على راسك كل صباح واحترس الحشرات
10-غنى عدى الليل على مهله امامها والهوى هواى ابنيلك قصر عالى وامسك نجم اليالى
11- اعزمها على اكله شرموله وللاستفسار عن مكونات الاكله اتصلوا بى
12- اياك ان تجعلها تقراء ماكتبه لانها ستحبنى وتتركك
13- لاتكن معها محترم زياده على اللزوم
................................
تحياتى المداعبه:حسن بوقباعة المجبرى

[تيتانك]

ع فكرة انا بس عوزة اوضح حاجة للي كل اللي ردو ، اي حد بيعتبر انه اللي بيحب وخصوصا ف فترة الثانوي المراهفة كله حب تخاريف وبيضيع المستقبل وانو اللي بيحب دا يقعد مثلا سهران اللي فبيفكر ف حبيبو ولا بيسمع اغاني وبيضيع نفسه، مش كل حب مراهقة كده، وللعلم انا اعرف بنات وولاد متفوقين ونسبهم 98 وفوق كمان ، ومع كده بيحبو ، فالحب ف سن المراهقة مش بالضرورة يعني فشل،انا متاكدة انه ك الي قرا المشكلة وشاف السن قال ايه دا اكيد حب عيالي ، وقلتولو سيبك من التخاريف دي، مبصتوش ع حتة انه عوز يبقى جريء ويعرف يتكلم، يعني قلتولو سيبك من الحب وكده ايوة بس مش لازم ميتكلمش مع اي بنت بمعنى ف كلام ف حدود الادب والعادي والواضح من كلامك انك مش بتتكلم خالص مع اي وحدة ، بص الكلام العادي مفهوش مشاكل ، انت هتروح كلية بعدين والكلية ولاد وبنات وسعات ف مواقف تحتاج انك تكلم وحدة تسالها عن شيء ، دا بالنسبة لحكاية الجرأة ف الكلام، بالنسبة للحب انا مقدرش اقلك حاجة عنه لانه ممكن ميكنش حب وممكن يكون ودي مشاعر جواك ، بس انا بقلك ممكن ميكنش علشان انت معرفتش بنات ولا احتكيت بحد فيهم والبنت دي هي اللي قدامك عشان كده ممكن اعجبت بكلامها وشخصيتها، زي ما قلتلك لو عوز تجرا نفسك وتتكلم اتكلم كلام عادي صياح الخير ، حاجة عن الدرس، وبعدين هتلاقي الموضوع سهل وممكن تلاقيه انك اصلا احساسك بحب البنت دي مكنش حب..معلش طولت عليك ،، بس يارب تلاقي حاجة ف كلامي تفيدك..

[engy_shitos]

سيبك منهم الحب مش بالسن ع فكرة وانت لو بتحبها بجد هى هتحس بكدا من غير متحاول تسبل وتبصلها برومانسيه انت ممكن تبينلها اهتمامك الزايد كدا يعنى وهى هتفهم البنات بتفهم بسرعه صدقنى

[دندونه]

انا مع تيتانك في كلامها

[bobos]

يا ابنى حب ايه الى بتدور عليه ده اذا كان الى عنده 20 سنه بيهرب منه يبقى انت الى عندك 16 سنه عايز ترحله