ساعدونى انى انساه

[MAIOO]

انا مكنتش بدور على الحب بس هو اللى جالى لوحدو
حبيت اول مره وهو كمان حبنى وفضلنا فتره كبيره كده بنحب بعض ولما طلب منى ان بباه يكلم بابا . بابايا انا مرضيش عشان اللى بحبو ده كان فى بلد ولسه بدرى على الاجازه بتعتو ف انا قولت ليه الحل الوحيد اننا نستنى لغايه ما تنزل اجازه هو وافق بس كان متضايق اننا هنقد الفتره الكبيره دى منكلمش بعض وانا اصريت اننا منتكلمش لغايه ما بابا يوافق لما هو ينزل اجازه.
قعدنا منتكلمش شهر ونص لغايه ما جه قالى ان بباه عايز يجوزو لبنت عمو وهو مش عايز يرتبط بيها بس بباه تعبان وعايزو يسمع كلامه وبقا عمال يقولى ان هو مش هينسانى ولازم نفضل نتكلم مع بعض طول العمر انا مرضتش عشان ميبقاش مرتبط بانسانه وفى حياته حد غيرها وانا محبش انى ابقى فى المكان ده اللى بتاخد زوج من زوجته حتى لو بحبو وهو اول حب فى حياتى وكمان كان بيقولى انى اول حب فى حياته ..
وطلب منى لما ينزل اجازه انو يشوفنى وانا مرضتش عشان مفيش ارتباط كده هتبقى المقابله بتعتنا غلط ومش صح غير انها هتبقى خيانه لبنت عمو ..
مشكلتى انى دلوقتى عايزه انساه لانى لسه بحن ليه وسعات ببقى نفسي بجد اشوفه بس مش عايزه اعمل حاجه اندم عليها بعد كده او ضميري يأنبنى
ياريت تساعدونى بجد وجزاكم الله خيرا...

[MAIOO]

ايه يا جماعه محدش عايز يساعدنى ليه

[المليجى]

اهلا بيكى مايو انت بصراحة تفكيرك حلو اوى انك مش عايزة تقابليه لانك معتبرة دى خيانة ليها اللى هى بنت عمو وهاتبقى مراته وعايز اقولك على حاجة هو لو كان عايزك بجد كان عمل اى حاجة علشانك ومادام بيحيك كان بجد هايحاول يوصلك بس مادام ده حصل يبقى خلاص انسيه او على الاقل خليكى فاكرة انك عيشتى قصة حب جميلة بس قدر الله وما شاء فعل وبجد ساعتها هاتقدرى تبدائى حياتك مع حد تانى يقدرك وتحبيه وان شاء الله تكونى سعيده معاه
بس ابقى اعزمينى على الفرح شكرا

[MAIOO]

بجد مرسي على الرد والنصيحه يا المليجى وجزاك الله خيرا
ادعيلي بس وان شاء الله هعزمك

[saraaaa]

بصي يابنتي انا بحاول انسى حبيبي زيك كدة بالظبط حاليا بس طبعا باختلاف المواضيع انا اتقدملي وكل حاجة بس اترفض تماما مع انة انسان قمة في الروعة كفاية ان مامتة قالتلي انة مريض جدا الايام دية فحاولي انك تكلمية لعل وعسى تخففي من مرضة بس عايزة اقولك ان للأسف الواحد بيندم انة مر بقصة حب مليانة عذاب وطريق زي مابيقولو كلة شوك *** بصي ربنا يتولانا انا وانتي هو دة الحل الوحيد وربنا يرزقنا بالزوج الصالح والذرية الصالحة قولي امين****

[MAIOO]

آآآمين يا ساره
ومرسي على ردك الجميل

[dr.smsm]

انشاء الله هتنسيه صدقيني بس مش دي المشكله في رأي ان الانسان د ضحك عليكي في حتت جوازه من بنت عمه صدقيني مفيش فلدنيا دي بنت تقدر تتجوز بلعافيه مابالك بقا بأنو ولد كمان الزمن غير صدقيني بيتهيالي هوا اساسا كان راغب فلعلاقه دي ببنت عمو بس خلى الموضوع من نحيت والده ومريض ومادري ايه عشان يجمه بينكم بطريقه ذكيه انتي الحب وهيا الزواج ومش قصدي اجرحك بس صدقيني القصص دي كتيره جدا وكلها نفس النهايه الواهيه. خاصت انك قلتي انوا بيشتغل يعني متكفل بنفسه ويقدر يفتح بيت ولو عايزك كان عمل المستحيل مش استسلم واستغنا عنك عيزاكي بس تفوقي لحالك وصدقيني ديما قولي لنفسك ( مش كل هم الدنيا حب ) بصي لهموم الناس الحقيقيه هتلاقي الحب مهما اتصدمتي منه هتلاقي فلدنيا حجات كتير تصدمك اكتر واكبر ملحب فلازم تكوني قويه اكتر ولعل التجربه تخليكي اقوى وخليكي مع ربنا اوي صلي كتير وادعي ربنا كتير وربنا اكيد هيديكي النسيان لانه نعمه للبشر وكمان هيديكي الاحسن منه كتير اللي يعرف قيمتك صح ويقدرك صح وساعتها هتعرفي ان رب ضرة نافعة وديما تدعي ( اللهم انصفني نصف عزيز مقتدر ) وشكرا..

[MAIOO]

شكرا ليك dr.smsm على الرد
اللهم انصفنا جميعا نصف عزيز مقتدر

[المنسي المنسي]

بصي يا مايو انتي اللي انتي عملتيه صح مليون في الميه لان الانسان كما يدين يدان
واللي هيعمله في حد هيتعمل فيه ولا ايه
أما موضوع ان والده مصر انه يجوزه بنت عمه ده مش موضوع منطقي لانه مش ولدصغير رأي والده يمشي بدون نقاش ولا تفاهم وخصوصا في المواضيع دي
ويامايو صدقيني انتي هتنسيه بمجرد انك تلاقي انسان صادق يحبك ويقدرك وان شاء الله ربنا هيعوضك خير لانك رفضتي انك تعملي حاجه غلط
وان شاء الله نسمع عنك خبر كويس عن قريب
وتعزميني مع المليجي علي الفرح اوك سلاااااااااااااااااااااام (احمد المنسي)

[MAIOO]

مرسي جدا يا احمد على كلامك وردك

[تيتانك]

((قعدنا منتكلمش شهر ونص لغايه ما جه قالى ان بباه عايز يجوزو لبنت عمو وهو مش عايز يرتبط بيها بس بباه تعبان وعايزو يسمع كلامه وبقا عمال يقولى ان هو مش هينسانى ولازم نفضل نتكلم مع بعض طول العمر انا مرضتش عشان ميبقاش مرتبط بانسانه وفى حياته حد غيرها وانا محبش انى ابقى فى المكان ده اللى بتاخد زوج من زوجته حتى لو بحبو وهو اول حب فى حياتى وكمان كان بيقولى انى اول حب فى حياته ..
))سوري بس بصراحة لو انا مكانك مش عرفا كنت هعمل ف ايه، لانه كلامه فعلا مستفز ، يعني ايه مش هينساكي ولازم تفضلو تتكلمو طول العمر معلش بس دا انسان اناني يفضل يكلمك بدعوى انك حب حياته وانه اتجوز عشان رضا والده التعبان ، معش بقة اولا هو مش بنت عشان يتغصب عليه ولا والده كان غاصب عليه ، ابسط حاجة كان قاله انه ف وحدة اللي هي انتي عايز يرتبط بيها ومش ممكن يرتبط بغيرها، دا حتى من كلامك مقلهوش يعني لو مثلا لو والده كان رافض كان ممكن ها نلتمسلو عذر لكن دا اصلا مقلهوش ، وكانه باباه قالو اتجوز بنت عمه ودا اتجوز بحجة رضا باباه، بصي انا عرفا انه حبك لي مش هيخليكي تشوفي الوضع كده، بس انا اللي اعرفه اللي بيحب وحدة بيعمل كل حاجة عشان يرتبط بيها،دا لو بيحب بجد، انتي يمكن مش مشككا ف حبه وبتلاقيلو ميت عذر ، بس قلبيها ف دماغك شوية هتلاقي الموضوع زي ما بقلك..((وطلب منى لما ينزل اجازه انو يشوفنى وانا مرضتش عشان مفيش ارتباط كده هتبقى المقابله بتعتنا غلط ومش صح غير انها هتبقى خيانه لبنت عمو ..
))كلامك صح مية مية، وفعلا بيبن انك انسانة كويسةمشكلتى انى دلوقتى عايزه انساه لانى لسه بحن ليه وسعات ببقى نفسي بجد اشوفه بس مش عايزه اعمل حاجه اندم عليها بعد كده او ضميري يأنبنى

بصي يا جميل انا رايي تحاول تحسمي الموضوع دا وتفكري كويس انه هو خلاص ارتبط بانسانة تانية ، وبيتهيالي لو الموضوع بالعكس وكنتي انتي اللي اتجوزتي مكنش برده هينفع تشوفيه، وهو مع الاسف ظلم بنت عمه ، وكمان عايز يزيد من ظلمه ليكي، يقابلك من غير ارتباط ويخليك وحدة يعرفها ع مراته، وبيتهيالي محدش فينا يحب يكون كده، الا اذا انتي مستعدة انك ترتبطي ب كزوجة تانية فدا موضوع تانييارب ميكنش ف حاجة ف كلامي ضايقتك ، فانا مقصدش غير اني بحاول اساعد واتمنى لو تنتاقش ، وتقبليني كاخت ليكي واسمع منك ..

[amaren]

هاي ميو ...
مش معنى ان ده اول حب ليكي يبقى صعب انك تنسيه ومتحطيش فبالك ان ده هو الحب الحقيقي ومفيش بعده بالعكس ادام دي اول تجربه ليكي يبقى المفروض تشجعي نفسك على النسيان وعلى الإرتباط الجديد لان اكيد التجربه دي اتعلمتي منها حاجه كويسه هتنفعك فالإرتباط الجديد وكمان اكيد انتي بعد التجربه اللي عدت عليكي بقيتي بتقري قصص كتير من النوع ده ودي برده هتخليكي تكتسبي خبرات وده يشجعك على الإرتباط الجديد ونسيان الجرح القديم....
وكمان عايزه اقولك على حاجه بلاش تخلي الجرح ده يكسرك ويخليكي تيأسي من الإرتباط والحب الجرح ده مش مجرد تجربه اتعلمتي منها درس وخلاص لأ ده كمان تأدري تعتبريه إمتحان من الإمتحانات اللي الدنيا بتحطك فيها فجأه من غير ما يكون ليكي ذنب عشان كده مش لازم تنكسري وتسكتي بالعكس ده انتي لازم تحاولي بكل قدرتك انك تواجهي الجرح ده وتعديه وتنسيه قبل ما يكسرك في اسرع وقت ممكن, هتحسي ان جواكي احساسين بيحاربو بعض احساسك بحبك ليه واحساسك برغبة النسيان شوفي بعقلك مش بقلبك انهي احساس في صالحك وحاولي تأيديه جواكي وتشجعيه بأي وسيله لغاية ما ينتصر على الإحساس العدو.....
كلمه اخيره:..... اللي يبيعك بعيه...... ومحدش بيتعلم ببلاش..... الدنيا مش عايزه الملايكه اللي بيتكسرو بسرعه الدنيا عايزه الي يحارب معاها..... وانتي بتتجرحي بسرعه يبقى لازم تحاربي اي حاجه و اي حد بيحاول يجرحك....

[MAIOO]

بشكركم جميعا على الرد