انا بجد مش عارفه اعمل ايه؟؟؟؟؟؟

[بوووووو]

ازيكم يااحلى مرعبين فى الدنيا

انا جتلكم النهارده علشان تساعدونى فى المشكله بتاعتى

انا عندى 13 سنه وزى اى بنت فى السن ده حبيت واحد كان معايا فى 6 ابتدائى وانا دلوقتى فى

2 اعدادى وعمرنا ماكلمنا بعض ولا مره وهو وصلى انو بيحبنى عن طريق واحده صاحبتى وانا برضه

وصلتلو انى بحبه عن طريقها وكل ماقول لحد انى مكلمتوش ولا مره يقولى امال حبتيه ازاى اعمل

ايه يعنى هو كان بايدى انى اكلمه وانا قلت لا وانا حبيته كده لقيته محترم ومابيعاكسش بنات زى

صحابه وبعدين كل مانتفق ان احنا نتكلم تحصل ظروف ومانتكلمش وانا نفسى اسيبه وقلت

لصحابى كلهم ان انا سبته عشان معادوش يكلمونى عنه تانى وافتكره وبعدين اول ماصاحبتى

اللى قلتلكوا عليها تيجى تقولى قابلنى وبيسلم عليكى اقولها الله يسلموا ولا كانى قلت انى

هنساه خلاص وبعدين كان بيعدى على شارعى كل يوم بحجه انو عند صحابه فى شارعى لكن

دلوقتى خلاص معدش بيعبر مع انه لما بيشوف صاحبتى دلوقتى يقولها سلميلى عليها وانا بقى

محتاره بما ان هو بيسلم عليه ليه مبيعديش زى ماكان بيعدى كل يوم وكان قبل كده طالعه من

صلاه التراويح لقيته كان فى وشى كان بيصلى فى نفس المسجد فقلت مدام عرف انى بصلى هنا

يبقى هلاقيه بيصلى فى كل يوه مع العلم ان المسجد اللى بصلى فيه فى شارعه يعنى مش

بعيد عنه خالص لقيته معدش بيجى خالص زى ماتقول كده قال والله ماعنت رايحه مع ان زى

ماقلتلكوا لسه لما بيشوف صاحبتى بيقولها سلميلى عليها وانا مستغربه على كده ونفسى

اسيبه ومش عارفه خالص وجربت كذا مره ومش قادره فياريت تساعدونى وتقولولى اعمل ايه

واسيبه ازاى مع انى مش هقدر اسيبه وانا اسفه جدا انى طولت عليكم ...........

فى امان الله

[stars_love300]

تم غلق الموضوع لأتخاذ قرار انتظرى الرد

stars_love300

[Pop فيلم رعب]

بسم الله الرحمن الرحيم

مش هاقول ان ده كلام مراهقين وان عادة القص ده مش بتكمل

إنما انتي بتقولي ان عندك 13 سنة والقصة بدات من ست سنين يعني كان عندك سبع سنوات فكرك العمر ده في نضج في الفكر طبعاً لا

الحب لازم يكون في شروط من الكفاءة والسن وحاجات كتير

فصة زي ده محتاجة ان احنا نفكر ونركز شوية

عشان الحب مش لعبة

ومفيش حاجة حاجة اسمها انه بيبعتلك السلام مع صحبتك

وغير ان سنك صغير وانا شايف انك تنسي الموضوع ده خالص وفي في حياتك حاجات اهم

منها مثلاً دراستك اللي لازم تهتمي بيها في الوقت الحالي ومفيش حاجة تشغلك عنها

ده غير انك لسه هاتقبلي ناس كتير فمش ينفع تربطي نفسك من الوقتي

بكرة في جامعة هاتشوفي فيها اشكال وانواع من الشباب

وساعتها هاتعرفي ان ده مكنش حب

وغير كده في مراحل تانية في حياتك

ارجو ان كلامي ده مش يسببلك احباط

وركزي في حياتك دراستك

وبعدين الحب هايجي بعدين

نتمنى نشوفك دايماً معانا ويا ريت لو حصل تطور تعرفينا عشان نكون معاكم

مع وافر الاحترام والتقدير

والان يسمح للاعضاء بالمشاركة في الموضوع وكل حد يقول رأيه

شكراً

بـــــ Pop ــوب

[stars_love300]

عزيزتى مازال العمر كلة امامك فأنتى صغيرة على مثل هذة الامور وهو ايضا وحفترض معك انكى بتحبية ولا تستطيعى نسيانة فما اخر هذا الحب الذى ليس لة اى هدف هل ستقولى لى انة سيتقدم لكى ويخطبك .

اختاة غدا ستقابلى الكثير والكثير فقط اهتمى بدراستك ومستقبلك فهو الاهم الان والحب سيأتى لوحدة مع الايام فأنتم مازلتم صغار جدا على مثل هذة الامور ... ارجو منك ان تفكرى بعقلك وليس بقلبك الصغير الذى لا يعلم معنى الحب الان وكلنا مررنا بمثل هذة الامور وعندما نتذكرها نجلس ونضحك على هذة الايام

واخيرا لكى منى كل التوفيق فى حياتك



stars_love300

[بوووووو]

شكرااا جداااا لبوب وملحوظه لبوب انا بقول حبيته وانا فى 6 ابتدائى يعنى بقالنا سنتين بس مش بقالنا ست سنين مع بعض وميرسى لستارز على ردك وان شاء الله همشى بالنصيحه وربنا يسهل وشكرا لل39 اللى دخلوا ومحدش ساب ولو تعليق صغير

[ahmed elmasry]

بصى يا بوووووووو 6 ابتدائى سن صغير اوى اوى اوى و هتعرفى كده بعدين و هتعرفى ان ده اعجاب بس مش حب و ماتزعليش انى قلت كده بس انا بقولك كده علشان انا جربته بس مش 6 ابتدائى كان فى 3 اعدادى بيبقى اعجاب بس و كمان سنك لسه صغير اوى اوى لسه قدامك الثانوى و الجامعه و ايام الثانوى هتقابلى شباب كتير اوى معاكى فى الدروس او الى بيجوا يقفوا قدام مدارس البنات و دول اكثرهم و مش عاوز اقول كلهم بياخدوها تسليه بس ايام ثانوى علشان يتمنظروا قدام صحابهم انهم ماشيين مع بنات و ممكن تقابلى واحد منهم يحبك بجد بس ده قليل اوى و لسه قدامك الجامعه هتقابلى فيها شباب كتير اوى و ان شاء الله تقابلى فيها الانسان الى تحبيه و ياريت تختاريه صح علشان مش بعد ما تتعلقى بيه يسيبك علشان اى سبب لازم تتاكدى انه متمسك بيكى و بيحبك و مايتخلاش عنك طول العمر و لازم ادام ده حب حقيقى يبقى الاهل عارفين و يبقى فى صدق بين الاتنين يعنى تحكى لاهلك فى البيت ايام الجامعه بعد ماتحبيه ان شاء الله و هو كمان يحكى لاهله انا عارف انى طولت عليكى بس يارب اكون افادتك بكلامى

[يارا محمد]

بصى انا مش كبيره انا اكبر منك بسنة بس عايزة اقولك ان ماينفعش صدقينى هو مش معنى كدة انى بقول ان الحب ليه سن و ان انتى صغيرة كل الكلام دة انا كنت زيك بس صدقينى كل الحاجات اللى فى السن دة بتخلص بسرعة و بتنتهى و ياما هتتشدى لناس و ناس هتحبك بس خلى بالك فى السن دة كل حاجة بتخلص انا عن تجربة مش بتكلم كدة و خلاص و ياريت تسمعى نصيحتى و تفكرى فى مذاكرتك و مستقبلك لأن دول اهم حاجةت ليكى دلوقتى و صدقينى مع مرور الوقت هتنسى اوك

[جاره القمر]

بصى يا حبيبتى
ياما كنا بنسمع عن حاجات زى كده واحنا فى ابتدائى واعدادى
وصادفنا زيها
بس لما كبرنا عرفنا ان دى مكنتش مشاعر حقيقه
بكره هتتعاملى مع ناس ..وتحبى..سعتها ولا هتفتكرى الموضوع ده بالمره

[برلنتى]

انتى عارفى حببتى ان الشئ اللى ممكن يساعدك هو انك تقربى من ربنا
وتطلبى منه انه يساعدك على نسيانه
دلوقتى مينفعش تحبى انتى صغيرة اوى
ومينفعش يشارك قلبك حبين ربنا وهو
بصى هقولك حاجة
ولا وجع القلب ياقلبى بكرة الايام تعدى
تضحك وتقول مش معقول انا كنت بعمل كده
ملحوظة:
هو اختفى لان وحده من صحباتك او من اللى بيمثلوا عليكى الصداقة وقعوا بنكم
ركزى فى اختيار اصحابك اكتر ومش كل حاجة تحكيها ليهم كلهم سورى انى طولت او ان كلامى جامد معلش سمحينى

[بوووووو]

شكرا جداا لمروركم ياجماعه بس المشكله يابرلنتى انى بحس ساعات انى مليش اصحاب مع انى ليا اصحاب كتير بيحبونى بس ساعات بحس انى مبحبهومش وساعات تانيه بحس انى مليش غيرهم بس على العموم انا قلت لصحبتى انى خلاص وهى راحت قالتله وبتقولى ان هو زعل جداااااا بس انا خلاص معنتش هفكر فيه

وشكراااا مره تانيه لمروركم وردودكم