حبـــيــت لكن مش ذى مااتمنيت

[همسة حائرة]

السلام عليكم ورحمة الله وبركاته

حكايتى تبدأ من شهر 8 اللى فات كان فيه خطوبتى لانسان اول مرة يجمعنا فيه الزمان والمكان

طول عمرى كنت منغلقة على نفسى عشرية واجتماعية مع البنات من سنى (23 سنة الان) لكن لا احب الاختلاط مع الشباب 0 كنت انتظر ابن الحلال واقول لنفسى لما احب --يكون فى الحلال ويكون خطيبى بس دا مكنش بيمنع ان ممكن اعجب بااحد الزملاء بالجامعة لكن خجلى ومبدأى كان يمنعنى من الحديث مع اى احد

المهم تكمن مشكلتى فى انى حبيت خطيبى بس مش بالنسبة اللى اتمناها كنت اتمنى ان اصل لدرجة العشق له والاحساس به وبلمسة يده ولكن اشعر كثيرا بأنه مثل اخى

لانه لا يحب الكلام الكثير (عمره 25 سنة ) ولايحب حديث التليفونات لظروف خاصة به

فى زيارته لى لايتحدث كثيرا ولايعبر لى عن مشاعره بعسيل الكلام ولكنه يعبر باالافعال

قد نال محبة اهلى له ----وقد نلت محبة اهله لى

لكنه لايستطيع ان ينال عشقى له -- فقط احترامى له ومعزتى

حاولت ان اشعره بهذا وعن رغباتى وماذا احبه ان يفعل لى لكى تقرب بيننا المسافات اكثر

لكن بائت محاولاتى بالفشل

امنيتى كانت فى شريك حياتى انه يفهمنى من نظرة عنية -يحتوينى ويحترمنى ويسمعنى كلام يعيشنى فى دنيا تانية - بس للاسف هو مبيقلش حاجة

ماذا افعل والزواج باقى عليه شهرين وانا خائفة من جفائه بعد الزواج خاصة بان احيانا اللهفة تقل بعد الزواج

؟؟؟؟؟؟؟؟؟؟؟؟؟؟؟؟؟؟؟؟

[stars_love300]

وانا اعتقد انكم حتفضلو كدة بعد الزواج هو يبدو علية انة انسان عملى قوى وليس عاطفى او رومانسى وصدقينى ساعات كتير قوى بتكون هذة الشخصية ناجحة فى حياتة قوى ولكن تظل المشكلة الرئيسية وهى احساسك بية هو رجل محترم ومش بتاع كلام كتير وخير الكلام ما قل ودل هذة هى طريقتة من الممكن يتغير بعد الزواج بواسطتك انتى يعنى اكيد حيزيل بينكم الخجل وتستطيعى ان تتكلمى معة بحرية اكثر ومين عارف جايز توصلى معة لدرجة العشق التى تتمنيها ولو محصلش وانة اتغير فكفى انة رجل محترم وبيعاملك معاملة لائقة بك وبيحترمك واعتقد ان هذا يكفى لكى تستطيعى ان تستمرى معة

[mnmona]

غالبا مايكون خلف الجديه الزائده من الرجل
عاطفه ورومانسيه جميله فى انتظار الزواج
لكى يعبر عنها واحلى حاجه صدقينى الخجل ده
لانه راجل محترم من كلامك
وانتى عليكى عامل كبير لا تيأسى اختى استمرى
فالماء يحفر الحجر بالصبر
عندما تتزوجين ابدأى معه رومانسيتك وعشقك
فى عشكم الهادىء الخاص وسوف يسعد بذلك
تحيتى لكى اختى

[جرح عمرى]

صدقينى هو ده الراجل اللى يقدر بجد يحافظ عليكى كفاية احترامة ليكى واحترامك ليه ممكن يكون فيه واحد بتحبيه وتتجوزو وميبقاش فيه احترام بينكو صدقينى هو ده الراجل المناسب

[~NoNa~]

اولا يااختى
اعتقد ان الشاب ده هيكون ناجح فى حياته ان شاء الله
واحترامه ليكى حاجة كبيرة اوى هيخليه يقدرك جدا كمان الجزء الاكبر عليكى انتى بعد الجواز انك دايما تقربى منه وتحسسيه اد ايه بتفرحى لما يقولك كلمة حلوة كمان تخليه يحس بقيمة وجودك معاه وانه من غيرك ولاحاجة وانتى حطى فى دماغك ان ده الراجل بتاعك انه اهم شئ فى حياتك وكمان انتى بتقولى انك بتعزيه وبتحترميه يعنى لو خلتيه يشغل كل تفكيرك وتبنى كل احلامك معاه اكيد فى المرحلة دى هتوصلى لدرجة العشق معاه وهو ان شاء الله لو انتى استحوذتى على كل تفكيره وحياته(وده بشطارتك)هيعشقك وهتكونى عنده اهم منه

[لولا صيدلانيه]

بصي مجدش بياخد كل حاجة
ياما الراجل يكون رومانسي و بتاع كلام بس و مفيش فعل
ياما زي خطيبيك
و انتي اختاري
و انا رايي ان نوع خطيبك احسن
الرومانسية ممكن تكون كلام بس المهم الفعل
المهم تبقي مع راجل تحسي معاه بالامان و تحسي لنه اب ولادك يشكروكي انك اختارتيه لهم

[دندونه]

يمكن هو شايف انه لو عبر عن مشاعره
وقالك الكلام اللي انتي عايزه تسمعيه
انه هيبقى فيه حرمانيه باعتبار انكم لسه
مخطوبين يعني ومفيش كتب كتاب ولا حاجه
اصبري عليه شويه
ويمكن يكون هو ده الانسان اللي هيسعدك
ويحترمك ويقدرك
وربنا يقدملك اللي في الخير

[kinzy]

مافش مانع انك تفتحه في الموضوع ده وشوفي رد فعله هيكون ازاي وعموما صلي صلاه استخاره واللي ليكي نصيب فيه هتشوفه

[nimooo]

اية يا جماعة وانا الي كنت فاكره انني بس الي بفكر بعقلي طلعتوا كلكوا ماشاء الله كده انتوا قلتها راي العقل بس وفين القلب انتوا بتقولوا كده عشان انتوا مش مكانها لو كنتوا مكانها مكنتوش استحملتوا . هي كانت مستنية وشايلة كل الحب والعواطف للأنسان الي هترتبط بيه بس للأسف مش عارف يبادلها العاطفة دي وانتوا متأكدين انه هيتغير بعد الجواز . انا رأيي انك لو هكملي يبقى تحطي في دماغك انه راجل عملي ومتصدميش لو لقيتي جفاء في العواطف حتا بعد الجواز لان انا اعرف الاشخاص من هذه النوعية على ما اعتقد صعب يتغيروا بعد الجواز او ممكن تفتحيه من دلوقتي وتشوفي اية سبب الي هو فيه ده وتحاولوا توصلو لحل

[Jucke04u]

to be severe with oneself and lenient with others.Thsale is a professional, loyal and reliable wow gold supplier online, we pioneered selling cheap wow gold. wow gold ([Link nur für registrierte Benutzer sichtbar]), We are a Great MMORPG company. wow money and wow items,which is very cheap WOW Gold? wow gold ([Link nur für registrierte Benutzer sichtbar]), Welcome to thsale buy world of warcraft gold Buy Cheap WoW Gold, World of Warcraft Gold, Please look here!wow gold ([Link nur für registrierte Benutzer sichtbar]), All US Server 24.99$/1000G on sell! Cheap wow gold,rs powerleveling,wow power leveling,Buy Cheapest/Safe/Fast WoW US EU Gold Power leveling wow gold ([Link nur für registrierte Benutzer sichtbar]), FFXI Gil ([Link nur für registrierte Benutzer sichtbar]),