|
إلى روح الشهيد
لم أتصور يوماً أن تحوي صفحة يا بيروت كلماتِ حزن، ولوعةَ فقدان على رفيق الإنسان. هدف إنشائها كان دعماً لبيروت، لمدينتي الحبيبة سيدة العواصم، الجميلة بأهلها، وحضارتها، بماضيها وحاضرها، بمستقبلها الواعدِ بإيمانِ وهمةِ من أحبَّها وسقى بدمائه أرضَها، وضمَّ جَسَدهُ الشامخَ ترابُها. نبكيكِ اليوم يا بيروت اليتيمة، نبكي الأخَ، الأبَ والصديق، نبكي الأملَ والملجأَ والرفيق.
يا رفيق، يا صاحب القلب الرقيقْ كنْت الأب والأخْ والصديقْ يا خوفي بعدك ما نضيّع الطريقْ تركتْنا، والوطن بِهَمُّهْ غريقْ ******** يا ليتو حلم ، يللي صارْ بيروح ويختفي مع طلةِ النهارْ وعيونك تـنادي الصغار والكبارْ يلّلا سوا نكمّلِ المشوارْ ******** شو فيك ، حتى الكل عليك إنقهرْ الكبير والصغير، بموتَكْ خاطره إنكسرْ من قلبو وعيونو الدمع إنهمرْ صرخ وقال ! فقدناك ! يا أغلى البشرْ ******** بعيونّا ، خيالك ما إنطفا وصوتَك فينا ، بعده ما إختفا وبسمتَك يلّي قهرت العدا إغتالوها ! ودمّك كان الفدا ******** إنتَ كبيرْ، وكِلَّكْ أكبر من الوطنْ بطموحَكْ وأعمالَكْ، ما ساعَك الزمنْ غبت عنا، ورفيقنا صار الحزنْ الله معك، وجوارُه نعْمَ السكنْ
ندى زيدان الكبِّي |
